Kopolintaan pisompuuvan minggisom manakadai Sabah mamagazat solizong tutumombuhui mantad China
LAHAD DATU: Kumoduvo Huguan Montili Datuk Seri
Dr Ahmad Zahid Hamidi minoboos do minggisom kozo o kopolintaan pisompuuvan montok manakadai Sabah papahantoi do pamalanan pogun dino nokomoi montok mamagazat iso lizong tutumombuhui mantad
China.
Mantad dino ka disido kopolintaan maza Boogizan Koumohigan Poimbida Papak Kohisaon Sabah (Esscom) tomoimo monoodo ‘analisis komprehensif’ kokomoi gontob koumohigan id Zon Atampasi Papak Kohisaon
Sabah (Esszone) montok papatantu do boogizan dino nokomoi tomoimo oumohig ikoton do tutumombuhui.
Ka disido ontok timpu diti koozuvon koumohigan id Esszone kivaa id gontob avasi kozo asil ‘komitmen’ om haang saavi-avi tinimungan koumohigan iho nopo nga Polis Diraja Malaysia, Angkatan Tentera Malaysia dan Agensi Popogiotkuasa Maritim Malaysia (APMM).
“Vozoon Montili Sabah (Tan Sri Musa Aman) songovian Monunuat Kopolintaan Pogun (Tan Sri Sukarti Wakiman) om koinsasanai injin kopolintaan pogun kivaa pamalanan timpu tanau montok mamagazat solizong tutumombuhui mantad China.
“Tantu do gontob koumohigan adadi poguhuonon montok mokianu tutumombuhui humikot doid Sabah ih poposodia do ‘produk’ ponombuhuzan kinoizonon sandad kaamung boogizan tisan daat, tahun tropika om pulou ngavi.
Dadi tonggungan Esscom, tuhungon mantad mogisusuvai agensi popogiotkuasa nga monoodo panamangan gontob koiso montok papatantu do koumohigan toinsanan tizonon ponombuhuzan,” ka disido doid monunuat abal kahapas disido om Vozoon Montili Sabah Tan Sri Musa Aman minoniikon songovian Pitimbungakan Tinan Mononontudujk Esszone doiti koniab.
Nokotindapou nogi id miting dino nokomoi nga Huguan Potunud Koumohigan Pogun Jen (B) Tan Sri Zulkifeli Mohd Zain, Monunuat Kopolintaan Pogun Tan Sri Sukarti Wakiman, Huguan Staf Markas Angkatan Tentera Malaysia Lt Jen Datuk Abdul Halim Jalal, Kumoduvo Huguan Polis Pogun Tan Sri Noor Rashid Ibrahim, Laksamana Maritim Datuk Indera Zulkifili Abu Bakar, Pesuruhjaya Polis Sabah Datuk Ramli Din om Komander Esscom Datuk Hazani Ghazali.
Montok tuduvan dino nokomoi nogi, Ahmad Zahid ih nogi Montili Suang Pogun minoboos do ponuu’an kumuung id boogizan Esszone maan potihombuso gisom boogizan koumohigan otumbozo poimponu miampai gontob koumohigan id boogizan dino nokomoi.
Ahmad Zahidih nogi poniikon Komiti kabinet kokomoi ponombuhuzan minoboos do kavo sokodung suvai ih pataakon do polinta montok pongunsub tutumombuhui China humikot doid pogun diti, au otohiban Sabah, kaamung manaak do piipio kounahan miaga e-visa om e-entry montok tutumombuhui mantad pogun dino hoohobi ontok timpu ‘golden holiday period’.
Tumanud disido kavo sokodung suvai nga polinta miampai misokodung piipio komponi ponuhudan tambang omuula mogovit tutumombuhui mantad ‘second tier city’ id pogun China kotihombus doid tampat ponombuhuzan mamagazat id Kota Kinabalu, Sandakan om Tawau.- Bernama