Susumikul kawawagu notimung mirugup manarakas natadon koiyonon
LABUAN: Nakapanau oh rugup manarakas do kinoiyonon susumikul Universiti Malaysia Sabah Kampus Sompomogunan Labuan (UMSKAL) di ontok tadau minggu montok manarampos do natadon om nogi koluyungon ngawi do waig.
Rugup noomungan pikiikiro do 500 susumikul ngawi toun koiso dilo nopo nga somboogian do kaparagatan kinosuangan diolo id kampus dilo montok popoungkap do tonggungan manamong katarakasan do kinoiyonon.
“Rugup diti nga montok nogi momunso kinoiyonon ngawi pogontoluan do namuk ih kootus mogowit kaantakan toruol kumaa mogigiyon ngawi,” ka do kopoilaan mantad koupisan monorina do kolej koiyonon susumikul id kampus dilo.
Poingampai nogi potindapou do ontok pinirugupan dilo ih molohingon kolej kinoiyonon susumikul, Dr Hadzariah Ismail.
Nokotimpuun oh pirugupan dilo mantad di tasarap pikiikiro do 6.30 kosuabon miampai toinsanan susumikul toun koiso tuminimung id natadon do kolej koiyonon pogulu ih minonimpuun do rugup ih nulud do koobian momuruan susumikul.
Nopupusan oh rugup dilo di pikiikiro jam kawalu om montok minongunsikou kinoobian do susumikul ngawi id karaja dilo, notungkapan iyolo do minogiilang moginsopung makan om minum kosuabon.
Rugup miagal dilo nopo nga iso koubasan montok toinsanan susumikul kosusuang id universiti dilo ih kapanau minamot id tolu kampus UMS kapaampai do Kota Kinabalu, Labuan om Sandakan.