Muhang popoimbulai katangaban kotulunan, walu tulun nokoompit mananangod tinaan

BAGAN DATUK: Kinagakaman walu tulun ih kikotumbayaan nokoompit miampai kaparagatan tinimungan mananangod pinapanau sumusuut kiharo ahal ih muhang popoimbulai do katangaban kikoompitan tulun ngawi/ kotulunan (sosial) kumaa rayat mogisusuai tinaru agama id pogun diti, ka di Datuk Seri Dr Ahmad Zahid Hamidi.

Noboros di Kumoduo Luguan Montiri do kinagakaman dilo kitujuan mangantob kaparagatan tinimungan nokoompit ih muhang manahak kokitonan do Malaysia au momoguno do kosimbayanan kiugama.

Ka dau pinangagakaman ih pinapanau di tinimungan ‘anti’ kangaraatan raan poimbida A8 Polis Diraja Malaysia (PDRM) nopo nga pinonugutan mantad bogian polis montok mongipop ahal ngawi kangaraatan id pogun diti.

“Kiharo tinimungan ih muhang momiraag ngawi do kolumaagan kiugama id pogun tokou miampai muhang monutud om momiraag do lamin panambayangan miagal masjid nangku toiko tokong, kuil om gereja.

Gaab diolo nopo nga montok manahak do pokitonan do Malaysia nopo nga iso pogun di au minsingubas toiko au momoguno do kosimbayanan kiugama om ahal diti mositi rulanon di bogian PDRM sabap muhang tokou popotimporon do korikohonon kolumaagan kiugama id pogun diti,” ka dau.

Noboros di Ahmad Zahid ahal dilo kumaa monunurat abar kalapas abaabayan kapanahakan toluod Deepavali 2017 kuminaa lobi 800 ponorimo montok bogian Parlimen Bagan Datuk hiti koniab.

Kinomi disio kinalantaian PDRM pinapakakung do pogumbalan poposuang do ‘banduan’ id Jijilan Tapah montok silihon ‘militan’, kalapas minanahan duo bagas tahanan jijiilan dilo.

Songkosodop, Boyoon Pulis Pogun Tan Sri Mohamad Fuzi Harun minoboros do walu kusai tinaan id Selangor, Sabah om Perak sabap kikotumbayaan do nokoompit kaparagatan ahal di taraat id pogun diti suai ko kikotumbayaan poposuang do ‘banduan’ montok papanau do panangadan kumaa lamin panambayangan tulun Silam, Kristian om Hindu montok popoimbulai do pitagadan pialatan tinaru.

Minongomi potilombus, noboros di Ahmad Zahid do baino diti kopoilaan kaparagatan kokomoi ahal dilo noilaan id Jijilan Tapah noopo.

“Nakaanu minanalasai ahal diti miampai pinoposuai do ‘banduan-banduan’ ih nokoompit idsuang kaparagatan papanau ahal au osonong doid ‘sel-sel’ ih misusuai mooi ‘deradikalisasi’ kaanu papanau om kaanu nogi mongilag diolo mongimbayat do ‘banduan’ toiko upisor jijilan,” ka dau.

Ahmad Zahid ih nogi Montiri Suang Pogun manahak jaminan do kem tahanan id Kamunting, Perak nopo nga kem pongolingosan om nonggo-nonggo tinimungan taraat ih noilaan oindamaan koligogon maan poiyono id jijilan suai.

“Nokotorimo oku noh ‘nota’ au kosokodung mantad puru Parlimen Taiping (Nga Kor Ming) ih tumongob om orosian nung antakan nunu noopo ahal di au osonong id kem tahanan dilo,” ka dau.

Kawagu di Ahmad Zahid do abaabayan ‘deradikalisasi’ ih pinapanau do Komontirian Suang Pogun kuminaa 15,000 tahanan id pogun diti mantad podi 1948 nakaanu pinopotonduli 97.5 paratus tinimungan dilo gisom baino diti.

Pogului, id pason dau pinosunud di Ahmad Zahid do poboroson doti di Luguan Montiri Datuk Seri Najib Tun Razak do kabar tosonong montok tulun n g awi tin aru India i d suang ko p o i n tal angan Bajet 2018, koimpupuson wulan diti.

Idsuang ahal dilo, pokionuon disio o tulun ngawi India mooi manahak sokodung kumaa koporintaan Barisan Naional (BN) montok popomilo do palan laang tinaru India idsuang 10 toun kaanu papanau.-Bernama

Ahmad Zahid Hamidi (poirikau id tanga) minokigambar kaandaman songowian ponorimo ngawi id abaabayan kapanahakan kunsi lamin wagu kuminaa munggui kinotutudan id Kampung Kamatchy Batu 9, Hutan Melintang koniab. Nokotindapou nogi ih Puru Lamin Koundangan...

Ahmad Zahid (tanga) mogitatabi ngawi miampai tulun togumu ih nokotindapou id abaabayan ponoluodan Deepavali kuminaa tulun ngawi mosikin Bogian Parlimen Bagan Datuk id Dewan Serbaguna Tinan Koburuon om Koumoligan Kampung (JKKK) Hutan Melintang koniab.