MINSINGILO BOROS KADAZANDUSUN APASI BOROS, APASI TINARU
boros tina okito nung gunoon id pibarasan. Nung au tulun Kadazandusun moboros boros KD, ilo tinaru suai i minsingilo boros KD om soira koilo yolo monurat yolo buuk togumu i potudukon do monunuduk id sikulan do porinta. Songkuro koikuman do tulun KD nung tinaru suai i abaal moboros om monurat boros KD, dagangon diolo nio buuk kumaa tulun KD om olumaagan om ounsikaan di yolo tusin togumu.
Sinakagon tulun KD rumutum nung au minsingilo boros tina om nung uhang diolo moboros boros Malaya noopo. Koulalaho tulun KD miagal dino (au moboros boros tina om uhang nogi moboros boros tinaru suai), kopogowit kumaa kopunsaan tinaru KD id pomogunan diti om papabayaan di iso poinukadan tulun Malaya “tanak gobuk id gouton ongoyon posusuo, tanak tino poingkibit yadaan,” ka.
Rati poinukadan dino milo nogi porotion montok do au mogupus tinaru om boros tina. Tulun Malaya momousorou do boros diolo nopo nga rusod do tinaru. Komoyon diti nopo nga nung atagak boros, tinaru nga atagak nogi.
Sumusuhut diti nopo nga pinibarasan di Juil om i Juita (ngaran panarandak noopo) i dinalin rati id boros English. Alansan daa do koinggumu nodi toilaan nu do boros tinaru soira koompus mambasa pinibarasan diti. Kopisanangan do mambasa.
Apasi boros apasi tinaru Nulud di Tatak Barambang
Juita: Nunu kopusaan nu montok do koulun-uluno tulun Sina?
Juil: Aparu om koilo mongindapu tutok yolo.
Juita: Koborulong doho ino sisimbar nu.
Juil: Tulun Sina oiyo tulun KD kopuriman do louson, tuuhan om orualan nga haro poinsuusuai id tutok diolo i aiso doti id tutok tulun tokou.
Juita: Atoh! aralom tomod pomisunud nu doho gisom au ku orotian. Posonongon bo gia ralan paparati doho.
Juil: Tulun Sina koilo ih morobuat id dumo miagal daton nung manu yolo nga pointalib arahi yolo mongindapu ko mantad po do mongumo om sandad do kiharo id tutok doilo toilalaan mongindapu.
Juita: Hehehe otopot doti ino boroson nu. Mogot nogi mongongoi ko sumandak Sina tu koilo mongindapu om manamong tanak om otudukan do boros singkung sinakagon nu.
Juil: Koo asawat no dika pokimamaan. Osorou nu asanang kusai tokou uhangon do tondu Sina?
Juita: Nokuro tu au?
Juil: Nokoumbal oku daa minuhang songulun tondu Sina oiyo id pingludaan ku di gulu nga boros ka dau doho do poingkaa: “aiso kaadaan ku dika muhang ko doho nga alaid po di timpu kito manansawo, om pupusan kito po iti pingludaan om osonong daa manansawo haro po karaja, walai om korita,” ka dau.
Juita: Otopot gia iri. Tondu tokou timpu baino nga miagal dilo uhangon mantad kusai di rumahi om mongongoi dau.
Juil: Iri no au ku nakasaapan rumahi dau. Walai tapa ku id gouton om aiso korita tapa ku maso di. Oikuman oku. Nung pinotilombus piombolutan ya om tumanud i tondu doho muli id walai tapa ku om oilaan nodi disido do kusai oku mosikin. Juita: Au minog do popoturu ko romou do monusui doho kinaantakan nu miagal di. Kaantakan dino nakatalib no. Pogium do tondu mantad tinaru tokou.
Juil: Totos ku minogium nga ingaa tondu arahi doho id kampung tokou diti. Juita: Ah haro ri nga gisaman do au ko koilo mogium.
Juil: Tudukai oku poingkuro.
Juita: Au milo miagal di. Au ko doti muhang di tondu potudukon ku dika. Poinsonong nung iya sondiri mogium tondu di koupusan nu.
Juil: Otopot ino boroson nu. Pounsikou togumu. Umbalan ku miagal di. Juita: Miagal nopo.
ISO ralan topintod mongilo boros tinaru nopo nga manahak sisimbar montok pongundiyaan miagal diti sumusuhut diti ih kiharo opod pongudiyaan nonuan apat sisimbar nga iso no sisimbar pointunud kopio. Ihumo sisimbar pointunud dino om mooi do otunudan ngawi sisimbar pointunud dino, intangai ilo sisimbar pinatahak id kolimpupuson. Kopisanangan do mambasa om minsingilo boros tina.
1.Angkab tologod id pokimamaan iri no ? do tulun do misimparu. A kounsub/koujor (motivate)
B kotogod (infuriate)
C kopogoduh (discourage)
D kobungou (cause)
2. Tulun di oruol topurimanan id ginawo mogot nogi do? A tumingkod nodi moginggat om momungkus B sumambayang id Kinorohingan
C manansawo toruhai (marry soon)
D rumologo mantad dousa (repent from sin)
3. Boros English ‘procrastinating’, ka aanu rati id boros Kadazandusun do ? A ‘ songkotunggalon’
B ‘sonsiopsiop’
C‘ santan g ku s t angkus’
D ‘sansagan’
4. Toluod i pataakon daton do tambalut romiton tokou ino miampai topurimanan id ginawo tokou do?
A ounsikahan
B miondosondos
C asansagan
D miagilagil
5. Sinding di nosupu moyo boros tokou sumiliu iso ?
A ralan tosonong manampasi boros tina tokou
B sinding di katataai susuminding mantad tinaru suai
C kointutunan dilo tinaru suai do tulun tokou magagauk
D korutuman tulun tokou poimpasi tu au kopudali monupu roiton sinding di kolihis
6. Honggo iso boros tokou id siriba diti i aiso o rati do ‘haro’ ka? A kitobu B kituntul C kiginawo D kinongoho
7. Hinonggo kiharo lisun, hiri no do haro ? A magasab B magansak C tapui D nulu lumoput
8. Obuog, osilou, obulou, kadoroi, monggoluton, aragang, opurak, otomou, oitom nopo nga ngaran ngawi do ?
A taakanon
B koirakan
C wotik
D kakamot tangawagat
9. Oruon (odoyon) tokou nung toruol id tinan, kuroyon tokou nung toruol id ginawo?
A insoduan
B losokon
C ondomon
D kuluputan
10. Kotodok nung ih alawis, ? i atarom. A koporou
B kopigis
C kasasarato
D kotinsuk