Tana nopiang Penampang: Mogiigizon pinavahiu au po pakavasaon muhi daamin

KOTA KINABALU: Kiginumu 34 mogiigizon Kampung Kolam Damai Minintod id Penampang ih pinavahiu sabap kinantakan tana nopiang songkosodop, au po pakavasaon muhi om kakaal pinoizon id Dewan Lembaga Sipoot Penampang.

Tumanud kopoihaan Tinimungan Gugumaga Tuhun Ginumuan Malaysia (APM) Sabah, mogigizon dino nokomoi mantad sizam paganakan pinavahiu sosodopon songkosodop kahapas nokotoimo kopoihaan kinantakan kiikila jam 9.30 kosuvabon dino mantad Upisol Uvang Penampang Luvita Koisun.

APM om agensi kikoompitan kakaal mongintong koozuvon id kampung dino nokomoi sumusuut kinantakan dino, ka disido om tumanud dau aiso nunuunu kinosinduahan toiko kinohigaganan kiniopon pinoluput id kinantakan dino.

Naamot dino, tumanud APM, iso hongkod kopundohian naamot, SMK Sri Nangka, ih tinutuban tangadau koniab, nukaban kawagu montok popoiyon kawagu 27 munggui mantad tuu paganakan.

Tumanud kopoihaan APM Sabah, munggui ih pinakavasa muhi nokoiho do boogizan hamin dosido kakaal nokoompit miampai hizud.

Ukabon mahik hongkod dino kiikila jam 2.30 sosodopon koniab.

Hongkod kopundahian id Masjid Kampung Bunga Tenghilan tinutuban id jam 11.15 tiinu, om Dewan SMK Sri Nangka tinutuban id jam 12 tangadau.

Minoboos APM do sundung pia gontob vaig id bavang tagazo id uvang dino, iho nopo nga Bavang Lakang om Bavang Labuaya nokoguhi miaga tomoimo hinimput operasi hizud id uvang tumihombus papanau kalaja sabaagi haang miingat-ingat.