Aiso piupakatan porinta
# Bot monginsada songkosuaian sumuang aiso kasagaan kawaigan pogun mangan tutudai
KOTA KINABALU: Au kosokodung toiko piupakatan do porinta kokomoi nunu noopo koposuangan tolosok mantad bot monginsada doid kawaigan Malaysia montok mogium kountungan asil daat.
Montiri id Koupisan Luguan Montiri Datuk Seri Dr Shahidan Kassim minoboros do bogian dau maya Agensi Popogirotkuasa Maritim Malaysia (APMM) tumilombus maganu laang tapantod miampai monutud om popotorob do bot monginsada songkosuaian di noilaan kisala.
“Popoingkawas tokou papanau karaja sabap do kobolingkangan kosuangon bot monginsada songkosuaian id pogun diti okitonan maid laid tumopot kopio, doulu noh id kawaigan Pantai Timur Malaysia.
“Gisom baino diti, lobi 1,000 bot monginsada songkosuaian nakaanu minanaan,” ka disido id pitimbungakan abar hiti koniab.
Minoboros isio do kes irad dilo kakaal ogumu om alansan kopio kaanu bogian kuut poposikap popoindalan do pangadawaan mooi kaanu papanau laang tapantod kumaa diolo.
Ka dau, kobolingkangan kosuangon tolosok bot monginsada songkosuaian dilo okitonan tumopot kopio doulu noh kopoompit do kawaigan pogun Pahang, Kelantan om Terengganu.
“Montok kawaigan id Sabah, koinsanai dilo kakaal id koyuon atamangan om kes koposuangan bot monginsada songkosuaian okitonan au kopotongob piagalon kawaigan id Pantai Timur Malaysia.
“Koposuangan tolosok dilo kontodonon dotokou kotoguang do korugian asil daat kigatang bilion ringgit hinonggo monginsada tokou au kapamagakom asil sada ih pokiuhangan doulu noh id kawaigan daat taralom,” ka dau.
Minoboros Shahidan do ginumu pinomorisaan koinsasanai APMM toun diti nopo nga kiginumu 27,223 bot miampai kinagakaman 133 bot monginsada songkosuaian mantad po
Poingkuro poh nga, montok bot monginsada ih nakagom toiko noilaan kisala, tumanud do Akta Ponginsadaan 1985 obuli iyolo ontokon kompaun kiginumu RM500 montok kasalaan koiso, RM1,000 montok kasalaan koduwo om RM1,500 montok kasalaan kotolu.
“Ukuman ngawi diti kakaal popomilo diolo mamagakom sada. Pisosoromo kalapas diti, iyolo ih
SHAHIDAN (tanga) id pitimbungakan abar koniab.
nadanda montok kumotolu au pabanaron do mamagakom sada, nga toinsanan diti kakaal id pongintongan tokou,” ka dau.
Pokionuon nogi dau o toinsanan agensi om tinimungan maritim ih kikoompitan tuh tumilombus misokodung montok manalasai ahal koposuangan di bot monginsada songkosuaian.
Nokotindapou nogi ih Potunud Maritim Watas Kota Kinabalu Laksamana Maritim Adam Aziz.