Poruntukan RM280.25 bilion montok Bajet 2018
KUALA LUMPUR: Luguan Montiri Datuk Seri Najib Tun Razak koniab minangatag poruntukan RM280.25 bilion montok balanja monorina om balanja kotundaan idsuang bajet 2018 montok kogunoon om kolumaagan rayat.
Ontok pinapabantang Bajet 2018 id Dewan Rakyat hiti, Najib ih nogi Montiri Kousinan minoboros do kiginumu RM234.25 bilion poobion montok balanja monorina om RM46 bilion montok balanja kotundaan.
“Iti au kamaung pinoopi labus kapatantuan RM2 bilion,” ka dau.
Id suriba poruntukan monorina, kiginumu RM79.15 bilion nopo nga montok ‘emolumen’ om RM33.62 bilion montok kotorinaan om kapanaakan, ka dau.
Minoboros isio do kiginumu RM119.82 bilion nopo nga montok kapanaakan o pongontok baraian atatap om balanja suai nopo nga pinoobi RM1.08 bilion mantad RM577 riong montok pomolian harata kakamot (aset).
Id suriba poruntukan kotundaan, noboros di Najib do bogian ekonomi karamit pamahagian poingkakawas ilo nopo nga kiginumu RM26.34 bilion.
Bogian sosial koponorimo kiginumu RM11.72 bilion, bogian koumoligan poobiopn RM5.22 bilion om bogian ponorinaan koinsanai RM2.72 bilion, ka dau.
Minoboros Najib do pinomuhuan asil koporintaan Pisompuruan montok toun 2018 korikot doti do RM239.86 bilion.
“Porinta tatap minggisom montok papanau laang ‘konsolidasi fiskal’ om papatantu do korikohonon kousinan porinta kotilombus ogirot om rontob tutang kotilombus osuriba montok timpu piaga-aga osuhatanan om anaru,” ka dau.
Minoboros Najib do Bajet 2018 ih nulud nopo nga ih kiguno kopio sabap ilo nopo nga iso kapatantuan koinsanai kumaa ‘prakarsa-prakarsa’ ih nokopoingkawas ekonomi pogun mantad podi nosiliu isio Luguan Montiri ontok 2009.
“Ilo totopot nopo nga osiliu nogi pialatan ‘report card’ tagayo kumaa rayat om porinta buruanan ku, poompus duo rontob timpu ponorinaan porinta diti,” ka dau. Bernama