Bogian gugumaga au poindisanon montok kapaganu kounalan: Siringan
RANAU: Montiri Kotundaan Kotos om Koburuon Teknologi Kopoilaan Datuk Siringan Gubat minoboros do kotundaan tatap owiton id watas ih kinuasa do gugumaga ontok pomilian tagayo di nakatalib.
Ka dau, aiso watas toiko kampung ih tolikudan au kapaganu do kotundaan id suriba Koporintaan Barisan Nasional (BN), doulu noh id bogian Paginatan sundung pia wookon pongundi diolo au monorimo BN.
“Sabaagi lansanon rayat watas diti, au oku insan poposurat do nonggo-nonggo kampung sabagai ‘koiyonon oitom’ om nogi mangamu-amu hak montok kapaganu mogisusuai okitonan sakadai om kounalan mantad porinta.
“Barisan Nasional okon parti di osiou/araat nga lobi ‘fleksibel’ montok moningolig nasib rayat kamaung noh watas di namanang pambangkang,” ka dau.
Isio ih nogi ADUN Paginatan minoboros do ahal dilo ontok minanahak boboroson pinotimpuun do
Dewan Mini Kampung Narawang hiti di tadau
Kolimo.
Minoboros ih Siringan, pamahagian poruntukan doid potitikid kampung idsuang DUN Paginatan kaamung noh watas ih naala tatap onuan do pongintongan.
“Sundung pia pamahagian poruntukan kopoomit do kotundaan infrastruktur om kounalan suai somoonu do odomut korikot katapi kotutukon dino haro om koimpupuson dilo aanu do rayat, doulu noh mogigion id iso-iso watas miampai au mongiro pangaratian pulitik,” ka dau.
Mantad dilo, angatan disio o rayat doulu
Siringanminomuruan pamangkisan ‘Sayang Sabah’ songowian nalapan suai om mogigion Kg Narawang.
noh iyolo ih kakaal kotumboyo miampai parti gugumaga tuh koponimbang kawagu om mamagatang kowosian om kotopotan koporintaan BN ih solinaid diti rumundun moningolig nasib rayat.
Id abaabayan dilo, pinapatahak nogi ih Saringan do toluod okitonan barangan taakanan kuminaa 30 ponorimo kaampai mantad tulun nongolohing om tina nottongkiadan sawo id kampung dilo.
Toluod ih iso’i nogi pinababahagi kuminaa 30 ponorimo id Kampung Silad id abaabayan misusuai ih linansanan di Momuruan Kotundaan Rayat (PPM) Paginatan Georgina George.
Nokotindapou nogi id ramai dilo nga ih Monunurat Politik James Ingguru, Boyoon Komulakan Upko Ranau Hisyamuddin Harun om Ponorikohon JKKK Narawang Nashion Abidi.