Porinta poposodia RM100 noribu montok kotundaan

# Montok momogonop kogunoon watas Tokoodo Menumbok - Musa

MENUMBOK: Koporintaan Pogun monoluod miampai popoobi do RM100,000 montok kogunoon mogisusuai kotundaan id watas tokoodo diti.

Boyoon Montiri Tan Sri Musa Haji Aman minoboros do poruntukan dilo montok papatantu do katabayan om kobulihan bogian ponginsadaan kaanu popoingkawas montok kolumaagan tinimungan ngawi monginsada id watas diti.

Pinatarang dau do poruntukan dilo pinotoluod montok mongobi kogunoon kotundaan id watas diti.

“Iti montok mamagatang do koponoluod nogi tinimungan monginsada ngawi doid kotundaan kotos ekonomi pogun doulu noh idsuang bogian ponginsadaan om taakanan.

“Poingkuro poh nga, monginsada mositi sumodia monimban ralan poingkuro kapamagakaman sada montok popoingkawas asil kinagakaman, om kaanu nogi monginduo konuonuan diolo.

“Ontok timpu iso’i, mongunsub tokou doid tinimungan monginsada ngawi tuh popotounda do ‘produk hiliran’, ‘produk hiliran’ lumansan kopompit sada sabaagi puru pomoruhang kumaa kotos posodia haro,” ka disio.

Noboros disio ahal dilo ontok minanahak boboroson pinotimpuun do ‘Karamaian Monginsada Menumbok Ko-17 Tahun 2017 om Program Mobile CTC (Longkod Transformasi Komuniti Mabpanau) id Tapak ‘Pesta Nelayan’, Pantai Mempakul, hiti di tadau Minggu.

Kokomoi karamaian dilo, pinatarang di Musa do suai ko mamaramai do monginsada ngawi, momuruan om mogigion songkoiyonon.

Id abaabayan dilo, pinotimpuun nogi disio o kapanahakan Projek Tukun Tiruan mantad Koupisan Ponginsadaan Sabah Skim Sakadai Monginsada (Enjin

Musa pinapatahak tanda kaandaman id iso gerai pokitonan.

Sangkut) mantad Ko-Nelayan om Sakadai Monginsada om Kapanahakan ‘Anugerah Tokoh Nelayan’ 2017.

Pialatan ih nokotindapou, Puru Lamin Koundangan Pogun (ADUN) Kuala Penyu Penyu, Datuk Limus Jury, Boyoon Umno Bogian Beaufort Datuk Isnin Aliasnih, Adun Pantai Manis Datuk Abdul Rahim Ismail, Monunurat Tolosok kumaa Kumoduo Montiri Kotundaan Konduan, paganakan om mogigion ngawi Raezafaizal Arshad om ponulung Upisor Watas Tokoodo

Limus (duwo mantad gibang) om Musa (apat mantad wanan) songowian tombului ngawi pinopokito do tanda osonong.

Musa minomutul reben sabaagi tanda pinotimpuun do abaabayan dilo.

Musa ontok pinapababai pason pinonimpuunan Karamaian Monginsada Menumbok Ko-17 om abaabayan Mobile CTC 2017.