Abaabayan ‘Graduasi Prasekolah 2017 SK Malawa aramai kopio
ABAABAYAN
‘Graduasi Prasekolah’ 2017 Sikul Kabansaan (SK) Malawa, pinaharo miampai nataandak kopio id iso hotel nointutunan id Kota Kinabalu di ontok 28 Oktober nakatalib.
Lobi 200 tulun kaampai noh molohing om ‘graduasi’ ngawi nokotindapou id abaabayan nokotindapou id abaabayan dilo ih pinotimpuun di Potunud Balajaran Pogun Sabah Datuk Maimunah Suhaibul.
“Kinalantaian abaabayan ih pinaharo miampai oulud kopio diti kiguno potilombuson ontok timpu tabantalan, om ilo kaanu monoluod sokodung ‘moral’ kumaa graduasi ngawi om molohing ih kotindapou.
Ilo nogi sabaagi pamagatangan kumaa toinsanan tanak ia’on ih nakaanu noh toilalaan id bogian prasekolah, om osiliu koposikulan om osiliu pongunsuban om ponodokan sunduan montok lumaang doid timpu koposikulan kalas dilo,” ka dau ontok minanahak boboroson pinotimpuun do abaabayan dilo.
Pokionuon disio nogi kumaa bogian sikul tuh kaanu poposodia do piipiro ginumu tingadan kumaa toinsanan tanak ia’on di okon ko manahak pongintongan noopo nga mositi nogi palaabon kumaa susumikul ngawi ih nakalantoi noh toisoiso koburuon.
Manahak nogi Maimunah do kalansanan kumaa toinsanan molohing tuh toririmo manahak do pongintongan doulu noh kumaa tanak ngawi diolo om kada piirado iyolo miampai tulun suai sabap ahal diti kopolunggui do sunduan diolo.
Pogului dilo, Molohingon Sikul Kinangaian Tosonong SK Malawa sabap agaan ginawo tuminindapou montok mamaramai kagu abaabayan ‘Graduasi Prasekolah’ tangaanak ngawi diolo kaanu nogi do imanimanon diolo di poinsosonong kumaa sunduan om kolumaagan tanak diolo.
Ka dau tanak ngawi diolo kapanahak nogi do gaab tosonong kopio kumaa sunduan om kolumaagan tanak diolo.
Ka disio molohing mositi manahak do sokodung kumaa tanak diolo miampai au opibahagi montok kkapamanaan abaabayan dilo.
“Pounsikou nogi kumaa toinsanan mongingia ngawi ih minggisom papalantoi do abaabayan dino nokomoi, ka dau.
Pounsikou kopio kumaa toinsanan mongingia ih mininggisom pinapalantoi do abaabayan dilo,” ka dau.
Monunurat Komiti ‘Induk Majlis Graduasi Prasekolah’ 2017 SK Malawa Edna Pius Laban minoboros do gaab tagayo abaabayan dilo nopo nga montok mamaramai do tanak ngawi ‘prasekolah’ ih nakaanu noh pinapanau do timpu tosikap koposikulan.
“Ino kapanahak nogi pamagatangan kumaa tangaanak ngawi maya ‘prasekolah’ maya kapanahakan sijil om wawa, popogirot gatang tolidas om pisokodungan pialatan molohing miampai mongingia ngawi miampai momo’ia ngawi om popogirot do ‘silaturahim’ pialatan molohing om momo’ia ngawi ka dau.
Kiginumu 25 tulun susumikul mantad Prasekolah Kelas Gemilang 1, 2, 3 om 4 nokotorimo sijil kelas ‘prasekolah’ ih pinolombus di Maimunnah.
Montok mamaramai abaabayan dilo, piipiro pokitonan kagayat pokitanan do susumikul mantad Kelas Gemilang 1, 2, 3 om 4.
Nokotindapou nogi id abaabayan dino ih Huguan Unit Prasekolah Jabatan Pendidikan Pogun Sabah Dayang Tijah Hassan, Popisamo IPD Kota Kinabalu PPD Kota Kinabalu Prasekolah PPD Kota Kinabalu Hanafi Habi Buding, Yang Dipertua Koisaan Molohing om Mongingia SK Malawa Dato Dr. Abdul.Sani Yamin om Ponorikohon Piupakatan Longkod Molohing SK Malawa Joye Tinkolo.