‘Tamu Sabtu’ nosiliu ‘lubuk rezeki’ mogigion
TAMU
mingguan ontok tikid tadau Koonom id Kakadaian Ranau kakaal sabaagi ‘tiyonon pogihuman kounonuan kousinan (lubuk rezeki) montok tinimungan mororobuat, momutayam om momukabun id tolu bogian Lamin Koundangan Pogun (DUN) poinsuang Parlimen Ranau.
Mogigion ngawi ih kogumuan diolo suku tinaru Dusun, ih poingiyon id DUN Kundasang, Karanaan om Paginatan, pinoposiliu do Tamu Koonom id pasar poingukab poingoros Pasar Tagayo Kakadaian Ranau sabaagi tiyonon diolo kapaganu do kousin-usinan montok mongobi do balanja ngawi paganakan.
Konsol Watas Ranau (MDR) pinapatantu do koiyonon dilo tumimpuun jam 5 minsusuab gisom jam 2 sosodopon sabagi tiyonon do dudumagang ngawi papadagang do mogisusuai kawo asil pomutanaman om kogunoon suai.
Pialatan ih dagangon nopo nga kinotuan ngawi tana tidong, kakamot tinunturu kinoiyonon, tubat ngawi koubasanan om doung kawawagu om kouwaan ngawi, kakamot tuuniyon koubasanan om ogumu poh kagu.
“Pinongintongan id tamu dilo nokoilo do poompus bogian kiikira 200 meter dino nokomoi nososok dudumagang mundadaliu om ribuan tulun korikot mantad suang om labus Ranau, kaamung mantad Kota Kinabalu, Sandakan, Tawau, Keningau, Telupid, Tambunan, Kudat, Kota Marudu om Tuaran.
Papadagang kakamot tinunturu kinoiyonon, Jusineh Kingki, 50, mantad Kg Kinapulidan om mongindapu produk tuhau mantad Kg Randagong Lama Razak, 52, kotindapaan ogumu tulun osonong kopio montok poniagaan sokodo-koodo diolo.
Dudumagang kuih-kuih, Helen Lasiki, 30, mantad Kg Marakau om moniaga bunga miau mantad Kg Paka Dua Rohani Mathnie, 48, nopo nga kotumboyo tiyonon tamu diti kangaam kopio montok diolo ih mogium ‘rezeki’ montok paganakan.
mantad dari Kg Kituntul Baru nopo nga obuli kaanu
Tanak piasau pandan dagangon nogi id tamu mingguan dilo.
asil dagang RM700 montok iso set (onom unit) tagung, au kaamung tawag/gandang.
Montok songulun nokopinsin porinta, Michael Foo, 74, mantad Kg Muhibbah ih papadagang bunga Orkid, tamu dilo silihon dau sabaagi tiyonon modtuongis/ monguyat tinan mikuo momorongob do konuonuan.
“Mantad gulu poh, yoho om sawo mimang orohian miampai bunga ngawi. Om mantad dilo koimbulai tiwou orohian montok papadagang bunga ngawi dilo kumaa tulun togumu,” ka dau.