105 projik panadaan kihoogo RM2.2 bilion pinouhan id Sabah
SANDAKAN: Soginumu 105 projik panadaan kihoogo RM2.2 bilion nokouhan no id Sabah tuminimpuun pintangaan toun diti, ka di Kumoduvo Montili Talun Alun Datuk Rosnah Abdul Rashid Shirlin.
Minoboos isido do kogumuo projik ih pouhanon koingkavas dati sabap toun diti montok toun koduvo koponguhanan Palan Malaysia ko-11 noopo, iho nopo nga pamalanan kotundaan himo toun pogun.
Piahatan projik ih tinimpuunan pinapanau nga Lebuhraya Pan Borneo, ka disido id Abaabazan Pinonimpuunan Seminar Kotundaan Kuntilikto, Upis CIDB Laan Sandakan om Kapanaakan Projik ‘Build Brigade’, doiti koniab ih pinotimpuun di Vozoon Montili Tan Sri Musa Aman.
Namot dino, pokionuon di Rosnah o popobuu pomounan panadaan momohusi kopokionuon Abaabazan Transformasi Pomounan Panadaan (CITP) pinotimpuun duvo toun nakatahib.
Simbanan dati do CITP o pomounan panadaan doid pomounan hobi ‘produktif’, avakas, oumohig, avasi, profesional om koponokiahit id boogizan sompomogunan maza apat ahal iho nopo nga vinasi, koumohigan om profesional, kavakasan kinoizonon posoihi, ‘produktiviti’ om ‘pengantarabangsaan’. ih
“Boogizan panadaan nopo nga popoingkavas doid kosunizon boogizan ngavi suvai,” ka disido.
Mantad diho ka disido boogizan dino mositi mongintong doid tiguhu om minsingiho do lahan ingkuo panadaan doung kavavagu miaga ‘Sistem Binaan Berindustri’ ih kamampu popoingkavas do ‘produktiviti’ doid gontob hobi akavas. -Bernama