Izzriyana Kamalia Abdullah
“Kivaa naantakan di songuhun minangapalai pahabus kousinan montok mambalai usin nohos balajalan, sundung ih ma do pointopot nopo kozo nga aiso ih usin balajalan nohos dosido.
“Maza do e-Pengeluaran, oumohig kozo iho sabap no do poingoput ih kointahangan mantad koupisan suvai kokomoi do kousinan nohos. Aiso songuhun po do kaanu momudut mangapalai do kivaa kaaka usin nohos dosido,” ka dau.
Kokomoi simba mantad tuhun ginumuan, pinopointahang ih Izzriyana do avasi kozo pinonoimaan do pinopoopi ngavi do usin tu baino diti nopo nga hobi no do 7,009 tuhun doid Sabah minokilijistol doid e-Pengeluaran.
Izioho ngavi diho nopo nga 3,949 mantad Kota Kinabalu, 168 mantad Beaufort, 343 mantad Keningau, 201 mantad Kota Marudu om Kudat, 244 mantad Lahad Datu, 815 mantad Sandakan, 653 mantad Tawau om 636 mantad Labuan.
Kogumuan nopo do tuhun Sabah di momoguno do e-Pengeluaran nga montok papahabus kousinan pambalai usin nohos balajalan, id nombo 6,880 dioho baino diti nopo nga minomihi kotoinaan diho montok mambalai do balajalan dioho.
Mantad diho, minokianu ih Izzriyana kumaa tuhun ngavi Sabah montok momoguno kozo do kotoinaan ePengeluaran.
“Maza kotoinaan diho, kaanu nodi oh pakaakalaja ngavi kaampai no kotinanan momoguno do kounalan ngavi pataakon do EPF. Kopomogunaan e-Pengeluaran nopo nga aiso kabalai. Au kopomiubat timpu om ogompi nogi kozo, hobi po mantad kaantakan momilasu do apalai,” ka dosido.
Montok kointahangan potihombus, miho kumakap do www.kwsp.gov. my montok kopoihaan kokomoi do ePengeluaran.