Ponokialitan PRU-14 koinggorit
# Pinosorou di Musa o Komulakan BN montok papawakas do tinimungan
KOTA KINABALU: Pinosorou o Tinan Komulakan Barisan Nasional (BN) tuh au maganu agaan ponokialitan di posodia toguangon ontok Pomilian Tagayo Ginumuan ko-14 (PRU14).
Minoboros ih Boyoon Montiri Tan Sri Musa Aman do PRU14 nopo nga impoon montok papatantu nasib BN montok kotilombus momorinta toiko sambalik dilo.
“PRU-14 nogi papatantu do timpu tabantalan rayat om pogun. Mantad dilo, toinsanan momuruan om puru BN mositi miiso om kumaraja sabaagi iso tinimungan awakas.
“Tulun tomulok baino okitonan lobi opurokis ontok popoboros do tuwa pomusarahan diolo om tokou mositi monoguang ahal diti miampai miingat-ingat,” ka dau ontok pinotimpuun do Abaabayan Kopoimaganan JR Plus Komulakan BN Sabah, hiti sodop koniab.
Minoboros isio do Komulakan BN nogi mositi toririmo miingat-ingat soira tumoguang ponokialitan mantad bogian gugumaga om kada kopio asanang oimbayatan do ponginsamadan diolo.
Minoboros ih Musa do JR Plus kiguno kumaa Komulakan BN montok papatantu do parti dilo kotilombus momorinta ontok timpu tabantalan, suai ko haro tonggungan montok mamagayat tulun tomulok monokodung BN.
“Misokodung nopo nga kiguno
MUSA (poingkakat id tanga) songowian Khairy (tolu wanan) om puru Komulakan BN minokigambar kaandaman.
MUSA pinotimpuun do abaabayan dilo.
montok toinsanan palapa montok papatantu do BN kamanang id PRU-14 om manalasai do toinsanan pongindaraatan ih pimboroson di gugumaga.
“Komulakan nogi mositi minggisom kumaraja sabap ikoyu toinsanan nopo nga pamaganti momuruan pogun ontok timpu tabantalan.
“Mantad dilo, ikoyu toinsanan mositi popotilombus do kamanangan PRU-14 kumaa toinsanan calon BN,” ka dau.
Namot dilo, Ponorikohon BN Khairy Jamaluddin minoboros do JK Plus nopo nga kopoinsomokan tosonong kopio montok komulakan minsomok tinimungan komulakan ngawi gisom doid gamut sakot.
Ka dau, 20 paratus pongundi tomulok ontok PRU-14 nopo nga kaampai mantad diolo ih kumoinsan nogi do mongundi.
“Iti nopo nga pongundi oborisi, au poh nakaamung nunu-nunu parti...tinimungan iti noh ih mositi do onuan tokou pongintongan mooi do mongundi BN.
“Iyolo noh tinimungan ih papatantu do kamanangan nonggo-nonggo parti ontok PRU-14,” ka dau.
Khairy ih nogi Montiri Komulakan om Sipoot minoboros do Komulakan BN mositi kumaraja miampai iso tinimungan sabap parti au kamampu kamanang sokiro ko misosondiri.
Ka dau, sokiro ko kumaraja sabaagi iso tinimungan, agaras parti dilo miampai aiso monokisaap mantad nonggononggo parti gugumaga.
Nokotindapou nogi id abaabayan dilo nga Ponorikohon Komulakan BN Sabah Yamani Hafez Musa om tombului tapantang ih suai.