46 nakahasa talun alun tinaan maza ‘Ops Samseng Tindahanan’
KOTA KINABALU: Soginumu 46 tuhun kopoompit do papapanau om tutumapi motosikal tinaan maza ‘Ops Samseng Tindahanan’ doiti.
Huguan Pulis Uvang Kota Kinabalu Asisten Komisioner M.Chandra minoboos do soginumu 41 motosikal nogi nataan om koinsanai ih nataan soizukon tumanud Seksyen 81
(3) Akta Padsakazan Lahan (APJ) 1987.
Maza operasi dino, napanaan nogi o boogizan dau do 11 papapanau montok papanau do poniisan vaig sobu.
Ka disido, koputusan pinoniisan vaig sobu mantad Boogizan Ponoizukan Narkotik nokoiho do koinsanai tuhun dino nokomoi au minaganu dadah.
“Operasi diti pinapanau id Lahan Kepayan doos doiti tuminimpuun jam 11.30 sodop Koonom gisom jam 5 minsusuvab di tadau Minggu.
Minoboos isido do soginumu 56 kaping saman kopoompit do mogisusuvai kahasaan pinahabus poompus operasi dino.
Tumanud dau operasi dino nokomoi montok papatantu do toinsanan momoguno talun alun katanud do kootulan miaga ih pinoobi do undangundang.
“Kalaja popogiotkuasa maan papanao miampai potihombus montok papatantudo papapanau katanud do undang-undang talun alun.
“Pinosoou o tuhun togumu tu au umompit miampai kapaagatan pigusaan tohosok om nogi sabaagi mongingintong ih kaanu mongimbazat do kapaagatan diti kotongkop.
“Onu noopo kopoihaan kokomoi do kapaagatan migusa tohosok toi Mat Rempit obuli pataakon doid pulis miampai tumuubung numbul 088-529211, 211191 om 318843 toi 999,”ka disido.