MINSINGILO BOROS KADAZANDUSUN APASI BOROS, APASI TINARU

do noboros id Buuk Kinorohingan do haro karaagon diti pomogunan, nga do naamot au po araag iti pomogunan, kiguno do atampasi o boros Kadazandusun id pomogunan diti mantad no do gunoon iti boros do papasasad do Boros Kinorohingan mantad Buuk dino.

Tulun Kadazandusun (KD) nonuan do Kinorohingan do boros tinaru diti om gunoon daa tinaru KD boros tinaru sondiri do poporongou om rumayou Kinorohingan id walai panambayangan diolo.

Haro doti insan maso do au asaga ilo tinaru tangagayo do tulun KD momoguno boros diolo do gunoon moboros id walai panambayangan do tulun KD. Suhuon diolo tulun Kadazandusun om Murut (KDM) do momoguno boros tinaru sondiri. Tontok aiso nodi boros KD, diri noh do ousa ilo tinaru suwai do mononsog do tulun KD momoguno boros KD. Nga tulun KD au minog otongob ginawo.

Sundung do kogumuan komolohingan om komulakan KD timpu baino au koilo moboros boros KDM nga timpu tohuri tadau atampasi boros KD mantad no do kopurimanan diolo sasanaan toi ko hingion dilo tinaru suwai nokuro tu au momoguno boros tinaru sondiri.

Boros KD nogompi id suang do 66 Buuk Kinorohingan dino om buuk dino somonu gunoon do tulun KD do rumayou Kinorohingan id walai panambayangan diolo id labus kakadaian hinonggo atus paratus tulun diolo pointimung do insan maso. Sumusuhut diti iso pinibarasan di Juina om di Jison di wawaagu soira nokopuriman yolo do kogunaan boros tinaru sondiri. Kopisanangan do mambasa.

Juina: Jison, otumbayaan ko dika haro kopupuson toi ko karaagon diti pomogunan? Jison, do you believe that there is an end or destruction of this world?

Jison: Aiso toilaan ku nga haro ih sinding di Skeeter Davis do “The end of the world,” ka.

I have no idea but there is Skeeter Davis’ song which says, “The end of the world.” Juina: Okon boh gia ko iri komoion ku. Id sinding diri nopupusan iti pomogunan soira minoboros ih koupusan dau do “Au manaku yolo nokoilo do nopupusan noh iti pomogunan; nopupusan tontok minoboros ko do sino ko noh kanu.”

That is not what I mean. That song says, “Don’t they know it’s the end of the world; it ended when you say goodbye.”

Jison: Iri-iri no norongou ku, om aiso no suwai.

I only heard that, and no more.

Juina: Orugi kito nung au otumbayaan do haro karaagon diti pomogunan.

We will lose if we don’t believe that there is an end of the world.

Jison: Orugi poingkuro?

How are we going to lose?

Juina: Haro duo kopupuson diti pomogunan. Koiso, kapataion tinan tulun. Koduo kabayaanan nunu nokosurat id Buuk Pinointalang Kinorohingan.

There are two ways by which this world will end. The first is human’s physical death. Second is the fulfilment of prophecy in God’s Book of Revelation.

Jison: Miagal dino ponudukan korohian ku kopio mokinongou.

That is the kind of teaching I like very much to hear.

Juina: Aiso tulun au apatai.

There is no one who will not die.

Jison: Orosian oku dogo do kapataion. Poingkuro ko dika?

I am scared of death. How about you?

Juina: Au oku modosi sabap haro Kinorohingan monungag dogo.

I am not scared because there is God who will resurrect me.

Jison: Nunu koilo-ilo nu tungagon ko do Kinorohingan?

How do you ever know that God will resurrect you?

Juina: Alaa Jison, au ko manaku nakabasa Buuk Kinorohingan montok kotungagan? Alaa Jisan, haven’t you read God’s book about resurrection?

Jison: Au oku noinsan nakabasa. Tudukai oku. Yoku nga mokitungag do Kinorohingan.

I have never read it. Please teach me. I too want to be resurrected by God. Juina: Nung miagal dino, au ko osodu mantad do Kinorohingan. Kotumbayaai no Dau.

In that case, you are not far from God. You only need to believe in Him.

Jison: Poingkuro oku minsomok do Kinorohingan? Kusai manaku toi ko tondu oh Kinorohingan?

How do I come near to God? Is God a male or a female?

Juina: Au minog miagal dino pongudiyaan nu. Kinorohingan sorohon tokou do kusai, okon ko tondu.

You don’t need to ask such a question. We envisage God as a male.

Jison: Kitanak manaku oh Kinorohingan?

Is God having sons and daughters?

Juina: Haro. Toinsanan tulun notumbayaan Dau roitan do tangaanak do Kinorohingan.

Jison: Haro tulun norongou ku minoboros do kitanak oh Kinorohingan. Kisawo manaku di oh Kinorohingan?

I heard people spoke to me that God has a child. Does God have a wife?

Juina: Au ko karati. Porotio ku ika. Kinorohingan miloh momonsoi nunu nopo. Nung au, poingkuro di Isio nokowonsoi diti pomogunan om toinsanan di poimpasi?

Oh that one. I tell you what. God can create anything. If He didn’t, how could He create the world and all living creatures in it?

Jison: Au oku po kotunud nunu komoion nu.

I still don’t understand what you mean.

Juina: Ah kada tumomod do au karati. Kinorohingan osundu. Nunu nopo nga milo wonsoion Dau. Aiso ih au abayaan montok Disio.

Ah please do not pretend not to know. God is omniscient. He can create anything and there is nothing impossible for Him.

Jison: Osonong tomod monokiboros dika Juina. Ogumu po daa ponguhatan ku dika nga marau-arau oku muli. Pounsikou togumu om kopiruba kawagu dika suwai timpu.

It is so nice talking to you Juina. I still have many questions to ask but I am in a hurry to go home. Thanks a lot and see you other times.

Juina: Miagal nopo. Intang-intangan om kotumbayaai no do Kinorohingan kio. Be the same to you. Take care and please believe in God.

Jison: Ba, otumbayaan oku ih.

Ok, I will.

Juina: Posion ko do Kinorohingan.

God bless you.