Kinotubpoan kaagaban C130 Hercules miampai ‘profesional’ tuminanug SOP
LABUAN: Popopotulud kapal angkut C130 Hercules songowian walu tanak kapal suai ih sinansagan pinapaharo do kopotubpoan kaagaban id sosodopon songkosodop id Tutubpoon Kapal Tumulud Labuan tuminanud do Prosedur Operasi Standard (SOP) ponorinaan kapal, montok papatantu do ino ino oumolig tumubpo om id koyuon atapangan, sundung pia kopotubpaan winonsoi miampai aiso tayar.
Panglima Tentera Udara Diraja Malaysia (TUDM), Jen Tan Sri Affendi Buang minoboros do popopotulud om tanak kapal pinapaharo do kopotubpoan miampai ‘profesional’ om kinaraagan di nakakandau kapal noilaan ‘minimum’.
“Ralan poingkuro om ‘teknik’ ih ginuno di popotulud songowian tanak ngawi kapal id naamot kopotubpoan nga alamou, hinonggo kapal natamangan miampai ralan di apatut kopio.
“Hiti monongko-au-giigina oku kumaa popotulud om tanak kapal sabap pinapaharo do kopotubpaan kaagaban miampai nakalantoi aiso nunuunu kinosindaualan om kinaraagan di noindamaan id kapal dilo,” ka dau id iso pitimbungakan abar id Kem Membedai TUDM Labuan koniab.
Ka dau pinonorinaan om kapadtamangan kapal ih noumolig tuminubpo dilo nopo nga sumusuut timpu pingludaan ‘simulator’ potilombus ih nokoponulung diolo minanamong koyuon miagal ih nantakan di sosodpon songkosodop.
“Koulalahon karaja popopotulud kapal om tanak ngawi kapal ih ‘profesional’ pinopomilo dotokou aiso niawa nokorundun om harata porinta nakaanu minomungolig,” ka dau.
Minoboros Affendi do iso ponoriukan masaon wonsoyon montok mongilo ahal ‘teknikal’ ih natadon do kakod ngawi kapal ‘main landing gear’ (id ponong wanan) nasakat au milo gunoon natadon do kopotubpoan aiso tayar pinoburu.
“Ontok timpu diti, ponoriukan kakaal papanaon montok mongilo nokuro ) ‘main landing gear’ au kaanu popoindahu, poingkuro kes miagal diti okon ko kohimayaan, ahal miagal dilo nogi nantakan id pogun suai, nga sokiro ko ponorinaan au winonsoi miampai tototopot, tantu noh do haro doti kinaraagon di kopotonob om niawa nokorundun,” ka dau. -Bernama