3,815 nakahasa dadah id Sabah tinaan gisom Okt.
TAWAU: Pulis Sabah pinopolikud do kinagakaman soginumu 3,185 nakahasa maza 3,081 kes poposodia om kivaa dadah poompus vuhan (Januari) gisom Oktober toun diti, ka di Huguan Koupisan Ponoizukan Koimaan Talaat Narkotik Sabah Supt Mohamed Fadzil A Rahman.
Minoboos isido do poompus timpu iso’i nokopolikud nogi o boogizan dau do pinamahauan dadah kaamung no syabu (66.6 kilogram (kg)), ganja (6.89kg), ketamin (0.15kg), ephederin (0.17kg) om loun ketum (4.8kg).
“Dadah ih ih na’au diti okon poindahanon id Sabah nga novit suminuvang doid pogun diti miampai mogisusuvai lahan kaamung no maza kotoinaan ‘kurier’,” ka disido doid monunuat abal id pitimbungakan abal kopomunsaan dadah id iso kilang kazu doiti, koniab.
Ka disido gisom baino, aiso noihaan do boogizan dau onu noopo hongkod kopoindahanan dadah id pogun diti om minggisom papanau do kopogiotankuasa montok mongipop kobohingkaangan kahasaan momoguno om kapatazadan dadah mantad kotongkop id pogun diti.
Minoboos isido mantad podi vuhan (Januari) gisom (November) diti, soginumu 89 tuhun nontok haang tapantod tumanud Akta Dadah Kohigogon (ADB) (Haang-Haang Pomunsoan Poimbida) (LLPK) om 194 vagu maza Seksyen 39C ADB 1952 id Sabah.
Namot dino, noboos di Mohamed Fadzil do soginumu 18.319 kg mogisusuvai kavo dadah miampai gatang dagang RM572,666 pinunso maza popoindahan koponutudan pointutub minomoguo do kalaja komponi iso kilang kazu, doiti.
Pinomunsaan dino kopoompit do kes ih nasalasai no binisala mantad podi 2000 gisom 2016, kopoompit do 2914 kalatas ponoizukan id sizam uvang id pogun diti.
“Piahatan dadah ih pinunso kamaung no dadah, syabu, ganja, heroin, pil ecstacy, pil psikotik om ketamin mantad balang kes id Tawau, Semporna, Lahad Datu, Kunak, Kinabatangan, Sandakan, Beluran, Kota Kinabalu om Penampang,” ka disido.
Minoboos isido do kinopomunsoan dino katanud miampai kootulan kalaja standard (SOP) idsuang ponoizukan kes tumanud ADB 1952 mooi kopomunsoan pouhanon asalasai pombisalaan om naavi timpu pokinsianan. Bernama