Vahu tondu tuhun Filipina, Thailand tinaan id Penampang om Labuan

KOTA KINABALU: Pulis minanaan vahu tuhun tondu tuhun Filipina om Thailand kahapas kikotumbazaan papanau do pinsundalan om kumalaja aiso poomit di tototopot id Penampang om Labuan.

Huguan Koupisan Ponoizukan Koimaan Talaat (JSJ) Sabah, Datuk Salehhudin Abd Rahman minoboos do saavi-avi suspek tinaan id duvo pinonugkuan misusuvai tuminimpuun tadau Kotohu.

“Pinonugkuan koiso nakaanu minanaan onom tuhun tondu kiumul 28 gisom 35 toun pakalaja sabaagi monompuan (GRO) miampai aiso poompit pakalajaan di totopot,” ka dau hiti di tadau Kaapat nakatahib.

Namot dino, id ningkokoton misusuvai duvo tondu tuhun Thailand tinaan kahapas nokoompit id abaabazan pinsundalan id Penampang di tadau Kotohu.

“Ontok pinonugkuan pinapanau nakapanaan tokou nogi songuhun tombuhui kusai kiumul 34 toun montok monuhung ponoizukan.

“Duvo unit talipaun piovit-ovit, 68 kaping kondom om usin tunui soginumu RM3,883 na’au nogi montok haang potihombus,” ka disido.

Tumanud dau do goduvo-duvo suspek ih kivaa pasport totopot kikotumbazaan momoguo do ‘aplikasi Wechat’ montok mogium tombuhui suvai ko momoguno do ‘laman web’ sabaagi ‘medium’ montok poposodia do ‘pakej’ pointantu.

Kawagudaususpeknogiontokonbalazan mahik RM220 gisom RM2,500 montok potitikid kapaagatan pinsundalan.

“Kes soizukon tumanud Seksyen 372 Kanun Koundosoan sabap mogium tombuhui montok tuduvan pinsundalan di obuli ontokon ukuman tolungku au kohobi do sontoun toi danda toi goduvoduvo ahal dino.

“Onom suspek ih tinaan id Labuan soizukon tumanud Seksyen 39(b) Kootulan ngavi Imigresen 1963 om touki soizukon tumanud Seksyen 55B Akta Imigresen 1959/1963 sabap mamagaji tuhun di aiso pas ih tototopot,” ka disido.