Duvo kusai papatazad dadah tinaan pulis
KEPALA BATAS: Pulis minanaan duvo tuhun kusai kikotumbazaan do papatazad dadah id duvo kinantakan misusuvai id posoihi uvang diti id tanda sodop koniab om minamaga’au dadah kavo syabu om heroin miampai hoogo koinsasanai soosomok RM30,000.
Huguan Pulis Uvang Seberang Perai Utara ACP Noorzainy Mohd Noor minoboos do kinagakaman koiso kopoompit do kusai kiumul 30 toun id Lahan Kampung Paya doiti, tanga sodop koniab.
Kusai dino nokomoi tinaan ontok pinapanau iso motosikal id jam 12.45 tanga sodop om pinomolisaan kumaa dau nokokito do iso hinopotan plastik kisuvang dadah kikotumbazaan syabu kivinagat 325.22 gram kihoogo kiikila RM28,168, ka disido doiti koniab.
Minoboos isido pinonoizukan timpuuni nokoiho do kusai ih kikotumbazaan do puu ‘sindiket’ kapatazadan dadah dino kouhiuhi mantad nakapaganu do kokoui montok dagangon kumaa tombuhui atatap dau id posoihi uvang diti.
Kusai diti ih pakalaja sabaagi kuli kikotumbazaan do nokoompit idsuang kapaagatan dino nokomoi mantad podi piipio vuhan nakatahib,” ka disido.
Minoboos ih Noorzainy do kinagakaman koduvo kopoompit do kusai kiumul 23 toun id Lahan Pekan Darat doiti id jam 2 minsusuvab koniab.
Nakapamaga’au nogi pulis do heroin kivinagat 29.2 gram kigatang RM1,500 mantad suspek ih pakalaja sabaagi kuli dino, ka disido.
Minoboos isido do ‘suspek’ ih ‘positif dadah’ nogi kivaa likud haid kikompitan dadah om kes soizukon tumanud Seksyen 39B, Seksyen 12(2) om Seksyen 15(1)(a) Akta Dadah Kohigogon 1952.-Bernama