Mongingia soriukon pulis sabap dinawa paparaat Silam id Facebook

MIRI: Songuhun mongingia sikul tosuriba hiti soriukon do pulis sabap kikotumbayaan do pinoposuang iso ‘komen’ id Facebook ih pinoboros do pinaparaat do tulun ngawi Silam ontok minanahak ‘komen’ kikompitan Silam om Baitulmuqqadis.

Boyoon Koupisan Ponoriukan Jinayah, (JSJ), Datuk Dev Kumar minoboros do gisom baino diti duwo ruputan pulis winonsoi id Kuching om hiti kalapas ‘komen’ mongingia kusai dilo nakarayat.

“Noilaan noh dagai o sanganu akaun Facebook ih momoguno do ngaran Raph Binsing om momolohou dau montok ponguhatan monoriuk,” ka dau doid Bernama ontok romuto konihab.

Tumanud dau, soriukon do pulis o kes dilo tumanud Seksyen 505 (c) Kanun Koundosoan sabap kapanahak do katangaban kumaa tulun ginumuan om Seksyen 233 Akta Komunikasi om Multimedia 1998 sabap kapangalap do katagadan tulun ginumuan.

Komen di Raph Binsing kokomoi Silam om kinoposilihan Baitulmuqaddis mantad Amerika Syarikat sabaagi longkod pogun wagu Israel nakapanahak dokatagadan ‘netizen’.

Naamot dilo, ontok pinoposuang do akaun Facebook dilo, ontok pinoposuang akaun Facebook dino, noihaan do sanganu dino minokiampun sabap ‘komen’ dilo om minoboros do tiwou panasalan sabap komen dilo om minoboros do tiwou monosol sabap kopongimbulai do katagadan tulun ngawi Silam id pogun diti kaamung noh tambalut ngavi om tobpinai ngawi dau.

Ka dau, minonokiala isio doid pulis. Bernama