UMNO Semporna posodia papanau injin IT tumoguang PRU14
SEMPORNA: UMNO Bogian Semporna poinsodia papanau do injin teknologi kopoilaan (IT) miampai manahak pongintongan doid ‘media sosial’ sabaagi kakamot gunoon kimopin montok minsomok pongundi ontok Pomilian Tagayo Ginumuan Ko-14 (PRU14).
Ponowoli naamot Boyoon UMNO Semporna Datuk Seri Nasir Tun Sakaran minoboros do suai ko ilo, injin IT bogian dilo minggisom manangkis ponombirangan gugumaga suai ko monimbar ahal di ungkiton do parti sumaap.
“Injin IT dagai minggisom manangkis kopoilaan au otopot om pongindaraatan ih parayaton do gugumaga,” ka dau doid monunurat abar kalapas pinotimpuun do Kalab Mongindapu Semporna (KUS) id Dewan Marin hiti konihab.
Noboros di Nasir ahal dilo ontok pinokianu minongomi kopokionuon Kumoduo Luguan Montiri Datuk Seri Dr Ahmad Zahid Hamidi songkosodop ih muhang injin pomilian tagayo UMNO om Barisan Nasional (BN) momoguno do ‘media sosial’ miampai ‘optimum’ ontok PRU14 tiinu.
Namot dilo, alansan kopio ih Nasir tuh lobi ogumu mogigion id watas Semporna umampai kaganaan poniagaan sabaagi karaja montok mongobi om popoingkawas konuonuan kousinan paganakan.
Minoboros isio do toun diti, kiharo 2,500 tambalut Amanah Iktihar Malaysia (AIM) watas dilo miampai ginumu pinalasan RM9.5 riong.
Kokomoi Tamu Jeti Balimbang id Pulau Bum Bum ih pinotimpuun dau konihab, noboros di Nasir do ilo kopongukab doti do kosiwatan poniagaan kumaa mogigion Semporna kaamung noh id pulou dilo.
“Moniaga mantad tana tagayo Semporna nogi pokionuon mamaramai do tamu diti. Alansan kopio oku do Tamu Jeti Balimbang kaanu pangaramitan kopongunsub kopio mantad mogigion posorili,” ka dau. -Bernama