Pasangan Silam ih manansawo mositi tumanud do kursus ‘pra’ pisasawaan
RANAU: Potitikid pasangan Silam ih kigaab manansawo pokionuon montok tumanud kursus ‘pra’ piangaian/pisasawaan pogului potontuon sabaagi misaasawo di totopot, om nogi momonsoi puru paganakan di olumaag.
Papasawo kisijil Mukim Randagong, Ustaz Satimin Saimin minoboros do suai ko tumanud kursus ‘pra’ pisasawaan pasangan nogi mositi papanau do pomorisaan kolidasan om momogonop do foom pointantu ih pinosodia do bogian Koupisan Ahal Agama Silam Pogun Sabah (Jheains) montok lobi osonong kapapanaan do toiso-iso abaabayan piangaian tumanud ‘syariat Islam’.
Tumanud dau, asasaru antakan kotoguang kobolingkangan paganakan gisom kontodonon do piadaan misaasawo okurang toilalaan mantad kawo balajaran agama, kolidasan tinan om tutok om au koilo mantad kawo ukum ngawi ponorinaan paganakan idsuang Silam.
“Mantad dilo, molohing ngawi haro tonggungan kiguno idsuang ahal diti montok kolumaagan paganakan tanak sompori-pori pogului manansawo,” ka dau pogului pinapatantu do pisasawaan pasangan di Ahmad Fadzlee Haji Donal, 25, songulun momo’ia mantad Semporna om Norsafwati Jainudin, 25, mantad Kg Paka Jaya, hiti.
Abaabayan piniangaian ih pinaharo id lamin tiyonon pangantin tondu ontok tadau Koonom dilo notindapou di lobi soribu tombului nalapan om puru paganakan, tobpinai ngawi om tambalut ngawi goduwo-duwo pangantin dilo.
Pialatan tapantang ih nokotindapou nga Upisor Watas Ranau Haji Faimin Kamin, Boyoon Pulis Watas Ranau DSP Mohd Farhan Lee Abdullah, bagas Puru Parlimen Ranau Datuk Dr Othman Minudin om sawo Datin Dr Lungkiam Dambul om boyoon ngawi koupisan koporintaan pogun om Pisompuruan.
Ahmad Fadzlee om Norfawati ontok romuto monongkotoluod om minamason kapamagatangan kuminaa paganakan sabap pinapalantoi do abaabayan piniangaian diolo miampai nataandak kopio.
“Monongkotoluod nogi yahai kumaa tobpinai ngawi om tombului ngawi ih nokotindapou minamaramai do piniangaian dagai diti,” ka di Norsafwati ih pakaraja sabaagi songulun mongungubat id Hospital Tondu om Tangaanak Likas, Kota Kinabalu.
Sumusuut diti nopo nga opod pongudiyaan ii nonuan do apat sisimbar nga iso no sisimbar di pointunud kopio. Ihumo sisimbar dino om piagalo sisimbar nu dilo pinatahak id kolimpupuson. Kopisangan do mambasa.
1 Honggo iso kaantakan id suriba diti ii au araat do wonsoyon do tulun?
A misun-lisun bungkusan namot popotunud steering korita.
B poingigit do handphone id longon gibang om pointopis id tolingo do namot popoibok korita.
C posukabai liwawaha koupusan o longon gibang do namot popoibok korita. D mokinongou sinding sumolimbou id radio korita do naamot popoibok di korita.
2 Boros nu kosudong pongunsikou kumaa tambalut nu ii minonguhup dika monoribau kobolingkaangan nu nopo nga
A Kounsikaan ku dika do au ogiigina, ka.
B Kounsikaan ku dika do mikunomo, ka.
C Kounsikaan ku dika om paangayan ku dika songulun tanak ku sumandak, ka. D Kounsikaan ku dika tagayo om poinumon ku ika linutau gisom awuk, ka.
3 Pongitob do tulun Kadazandusun di pogulu nopo momoguno do
A tangud (tohun)
B kosisido nipon
C tunturu
D watu
4 Aiso guna di tosung nu nung aiso no o
A tusi
B pongolungung
C toolu
D ponokiampayat
5 Tambagatan id pompod do tundalo mooi do
A awagat
B anamit
C mogkuriding
D lumonsod
6 Lohowon o ngaran nung momolohou do tulun. Nunu ka pomolohou do duku rumikot?
A kirikon
B ginggikon
C wiwiton
D kodimon
7 Tulun di oubas momudut, alaid nopondo nga osiliu kaaka isio do
A Baalan pulitik
B burogo busul
C guntalou
D mananakau
8 Nung nuru haro kosukuon do morobuat id dumo, pogiginum do kawuk nogi nga nuru do haro o
A suki mikid-tikid
B sumandak manahas
C totos
D koingkayadan
9 Mananggarung do uniform ngawi o monunundun (nurse) mooi do
A oruhai ointutunan do tulun di mokilingos
B koindorosi tulun nongorualan
C pusoon yolo porinta kolidasan
D au alasu ilo tadau topurimanan diolo do monundun
10 Monungkamang nung tugarang, kumuro nung tombolog?
A tumulud
B sumirid
C mongindig
D tumuntuad