SINUHU MANAKU RUSOD TARAAT TULUN TOKOU POGULU DO MAGAWUK?

BAINO

diti nopo nga iso kosingilaan montok iso kotumbayaan (superstitious belief) tulun Kadazandusun di pogulu di ontok PAGAN toi ko ANIMIST po yolo, iri no tu nunu ma kootuson nung magauk yolo. Koposion diolo do animistic poimponu korosian kumaa iso rusod taraat. Korohian do rusod taraat dino mositi okunon om tonudon diolo di pogulu. Nung au atanud om aakun ino pogoduhan om pagangatan dau, rikoton yolo do koligaganan poimpasi ii kaampai no korualan, tomporuruol, toruol, om kapatayon nogi.

Kinohoroon (existence) do rusod taraat dino kolodis (phobic) do tulun Kadazandusun di pogulu nga apagon ralan diolo minsud mantad simbayagon do rusod taraat dino. Nga haro iso ralan poimbida poingkuro yolo kooling di rusod taraat .

Ralan dino nopo nga moginum do kinomol (toomis) gisom do awuk. Id kowukan, obulun yolo, aiso podosi om au yolo kopuriman orosian di rusod taraat. Mantad kabarasan diti, korosian (fear) do tulun kadazandusun di pogulu do rusod taraat, komoyon do milo minominsuhu ginawo diolo do gumorot magauk.

Kousaan (addiction) diolo do magauk lansananon do milo poposonong om popobulun topurimanan diolo sumaap do karaaton di rusod taraat dino.

Tinumon kawuk dino minagal no kopio do tubat koulau (drugs) ii korohian do tulun wagu (modern people) id pomogunan diti timpu baino. Nga drugs nopo nga koulau om kawanit do tulun. Kinomol nopo nga kawuk om kousa noopo magauk gisom do au tumingkod magauk.

Nga wookon tulun Kadazandusun timpu baino minomusorou do au minog yadaan diolo do atus paratus o kinomol nga sorohon diolo do kawasa ii do moginu nga kokudion noopo tinumon.

Haro nogi wookon diolo ii nokopuriman do aiso guno minum tokuudi nga osonong nogi do tingkadan sawi-awi tiwou moginum kawuk. Haro nogi wookon ii momuondom do mantad no do haro tinumon kawuk do milo tulun Kadazandusun do mogirurumo om momurimon do piobpinayan.

Wookon tulun Kadazandusun koilo om kopuriman do karaaton do magauk om kopuriman yolo buruonon poimpori (self-responsibility). Mantad dino do minum ii yolo nga onuan diolo do totos (limit) toi ko kogisomon ii kopoginuman. Wookon diolo nogi haro ii au no kopio tumudu po do tinumon kawuk mantad no do tumanud kopio yolo ponudukan mantad Buuk Panambayangan diolo.

Haro nogi piipiro diolo ii mumbal daa tumingkod magauk nga kakaal do asansagan kawagu do songulun tambalut ii adalaan opogot magangat kumaa poginuman om id poginuman dino nosiliu do niso kooturan do au kawasa mangada biris.

Sisimbar: 1.D, 2.A, 3.C, 4.C, 5.D, 6.D, 7.D, 8. C, 9. A, 10.A