RAYAT AU ASANANG OMPUONG
# Pomilian Tu M sabaagi calon Luguan Montiri laang pulitik PH noopo - Sapawi
SIPITANG : Boyoon Kopoilaan
Umno Sabah, Datuk Sapawi Ahmad minongomi do pomilian Tun Dr Mahathir Mohamad sabaagi calon Luguan Montiri mantad di Pakatan Harapan (PH) sabaagi iso laang pulitik noopo montok kuminam maganu kosianan rayat.
Mikuo minoboros do kotumbayanan rayat okon asanang ompuongon miampai laang pulitik irad dilo, noboros disio do otopot kopio gugumaga momoguno do nunu laang noopo montok tumoguang pomilian tagayo ginumuan ko-14 (PRU-14).
Id suang ahal dilo, pokionuon disio bagas Luguan Montiri dilo tuh mundorong nopo om okon popibabak do pisompuruan rayat.
“Poingkuro poh nga ilo ‘hak’ diolo (PH)... montok dagai nung nokolobi noh umur miagal ko ‘lori nokolobi muatan’...lobi osonong disio (Tun M) manahak pongintongan poimponu minsingubas sumambayang umur irad diti om tumilombus sumiliu pomitanan kumaa sinakagon wagu,”ka disio.
Noboros disio ahal dilo ontok romuto kalapas pinotimpuun do Abaabayan Mitatabang Mongipop Togonok Aedes id Kampung Banting, hiti konihab.
Sapawi ih nogi Boyoon Umno Bogian Sipitang pinokianu minongomi koputusan ‘konvensyen’ gugumaga di kawawagu ih minomili Dr Mahathir sabaagi calon Luguan Montiri sokiro ko kamanang gugumaga PRU-14.
Tumanud dau, au oimbayatan rayat miampai laang gugumaga dilo ih atarang kopio muhang mamalantoi undi noopo ontok PRU14.
Sapawi ih nogi Puru Parlimen Sipitang minoboros do onu ih wonsoyon do gugumaga dilo osodu misuai piagalon laang Luguan Montiri, Datuk Seri Najib Razak, ih manahak pongintongan poimponu popotounda do momuruan komulakan maya do Transformasi Nasional 2050 (TN50).
“Gugumaga apatut do manahak kosiwatan kumaa tulun tomulok om maganu laang papanau do kotundaan tosikap sinakagon wagu sabaagi momuruan miagal ih pinapanau di Luguan Montiri (Najib Razak).
“Suai ko laang pulitik, tujuan tagayo PH momili disio (Tun M) sabaagi Luguan Montiri nung momorinta nogi nopo nga montok popibabak do Barisan Nasional (BN) doulu noh Umno,” ka disio.
Id suang ahal dilo, minoboros ih Sapawi do Umno om BN id Sabah, kaamung id watas Sipitang nokosodia noh tumoguang nonggo-nonggo parti gugumaga ontok PRU14. Ka disio koposodiaan tosorisid nga nakapanau noh mantad podi kotimpuunon poh montok papatantu do kamanangan lobi tagayo, om nogi popotilombus do watas diti sabaagi tiyonon tagaras Umno.
“Id toinsanan bogian, nokosodia tokou noh tumoguang PRU14 soira-ira timpu om isai noopo calon gugumaga ih tumanding, om nogi papatantu do kamanangan lobi tagayo BN,” ka dau.
Nokotindapou nogi Puru Lamin Koundangan (Adun) Sindumin, Datuk Ahmad Bujang; Upisor Watas Sipitang, Matlin Dullah; Upisor Piturubungan Parlimen Sipitang, Matbali Musa om Upisor Kotundaan Mogigion (PPM) Sindumin,