248 pamalahauan kaagaban notorimo poompus 2017: Apandi
LAHAD DATU : Kiginumu 248 pamalahauan kaagaban nokosurat do Koupisan Bomba om Mongumolig Watas Lahad Datu poompus timpu kotimpuunon wulan (Januari) gisom 31 (Disember) 2017.
Boyoon Balai Bomba om Mongumolig Watas Lahad Datu, Mohd Apandi Mahmood minoboros do mantad ginumu dilo, kiginumu 96 pamalahauan nopo nga kopompit do kes kinotutudan kopompit do linominon om suai-suai.
Suai ko ilo, 148 pamalahauan kopompit do kopongumoligan pinosurat kopompit do kes koligaganan talun alun, duwo pamalahauan kopompit do pamalahauan karaja ngawi poimbida om duwo pamalahauan au otopot.
Minomisunud Apandi do poompus pinapanau karaja kapanampasian, kiginumu onom munggui nakaanu minanampasi, 11 munggui nosindualan om 19 munggui minidu pogun. Om maya papanau karaja kinotutudan songulun munggui nosindualan pinorikud.
“Pompus timpu dilo nogi, nakaanu nogi koupisan diti minomungolig kiginumu RM66,902,195.78 gatang harata kakamot kaamung noh linominon mantad nopunso id kinotutudan.
“Nga gatang kinorugian di pinosurat nopo nga kiginumu RM6,636,165.22,” ka dau hiti konihab.
Namot dilo, pinosorou nogi disio o tulun ngawi id watas diti tuh toririmo miingat-ingat ontok timpu rumasam.
“Pokionuon ku tuh mogigion maganu laang tosikap mundaliu doid tiyonon di lobi oumolig, kada andado kagayo waig om maganu laang nogi,” ka dau.
Idsuang ahal dilo, pokionuon nogi di Apandi tuh tulun ngawi koilo kopio kogunoon kimpin 1Lamin 1Kakamot Pomisok Tapui (1RAPI) ih nogi kitujuan montok momisok kinotutudan naamot magandad korikotan puru ngawi bomba.