Kaharo doti PRU4 pogului timpu ‘haji’, ka Najib
PUTRAJAYA: Luguan Montiri Datuk Seri Najib Tun Razak konihab manahak pomusarahan do Pomilian tagayo Ginumuan ko-14 (PRU14) maan pohoroo pogului timpu ‘haji’ ih pohoroon ontok Julai tabantalan.
Moboros id doumbangan 1,200 sumodia sumiliu ‘haji’ id abaabayan kapanahakan surat koposodiaan ‘haji’ Yayasan 1MDB id Masjid Putra hiti, noboros di Najib do laang dilo popomilo do tulun ngawi pogun diti kaanu popoburu sambayang dilo id koyuon otoonong kalapas pinopoturuk do tonggungan momili porinta.
“Tuan-tuan pinatantu pougadan ontok 14 Julai, ilo nopo nga kalapas Aidilfitri om iso kagu ‘hari raya’.
“Rati dilo, kalapas goduwo-duwo karamaian diti, om mamanau nogi puru ngawi doid Tanah Suci’,” ka disido kikotumbayaan miongomi ‘hari raya’ doid soira pohoroon PRU14.
Minoboros ih Najib do duwo ‘raya’dilo wonsoyon lobi osikap mantad timpu ‘haji’ montok popomilo do sumiliu ‘haji’ pohibokan miampai otoonong.
“Om soira do ilo, sumambayang noh montok kalantaian om om kolumaagan montok pogun sabaagi laang montok poposiliu Malaysia ‘model’ pogun Silam pomitanan,” ka dau.
Id ramai dilo, kiginumu 1,200 tulun ih kaampai mantad imam, molohingon kampung (KK), om Ponorikohon Tinan Koburuon om Koumoligan Kampung (JKKK) ruminamit surat koposodiaan ‘haji’, pinoposiliu do ginumu koinsasanai 6,911 momuruan bogian gamut sakot kapaganu ‘tajaan’ id abaabayan pinomusarahan di Luguan Montiri mantad podi toun 2011.
Tadau opunso kuasa koporintaan igitan Barisan Nasional (BN) ontok 24 Jun 2018 om PRU14 minog kopio pohoroon ontok 24 Jun 2018 om PRU14 mositi pohoroon idsuang timpu 60 tadau kalapas tadau opunso dilo. -Bernama