Susumakai nou’u, papapanau nosinduahan
#Padsakazan nakatangkid nakalanggal hamin om notutudan
SANDAKAN: Songuhun susumakai tondu nou’u, om papapanau kulita nosinduahan kahapas padsakazan sinakaon dioho nakatangkid sondii poguhui notutudan id Lahan batu 9, Lahan Labuk di minsusuvab koniab.
Huguan Pulis Uvang Asisten Komisioner Mohd Azhar Hamin minoboos do munggui tondu kiumul 28 toun noduso sabap nansip id boogizan tiikonon douvi kulita dino, om papapanau kulita kusai kiumul 30 toun nakaanu pinapahabus di tuhun ginumuan id tampat kinantakan.
Minoboos isido kiikila jam 5.30 kosuvabon, nokooimo o boogizan dau do kopoihaan kokomoi do kinantakan kinohigaganan dino om minonuu sontimungan pulis mantad IPD Sandakan minugad doid tampat kinantakan.
Ka disido, koikot nopo id tampat kinantakan nokoiho do iso iso padsakazan kavo Mazda nakatangkid sondii om notutudan.
“Pinonoizukan nokoiho do papapanau kulita miampai susumakai tondu dino nokomoi id pindahanan mantad Batu 10 pougadan doid Batu 8, Sandakan.
“Songian nokoikot id ponuugan Batu
Notutudan nogi hamin aiso tuhun poingizon id kinantakan dii.
9, kulita ih pinapanau dino natagakan kapadtamangan om kalanggal ponuugan (bulatan) om katangkid kisinodu hobi kuang 100 meter doid tiguhu poguhui nakalanggal tohu toigi lotilik om iso hamin aiso tuhun poingizon,” ka disido.
Minoboos isido do papapanau kulita nakaanu pinapahabus di tuhun ginumuan ih kivaa id tampat kinantakan, ingkuo po nga susumakai au nakaanu pinanampasi sabap nansip id boogizan tiikonon douvi om tapui nokosikit no.
“Susumakai kulita nou’u id tampat kinantakan om papapanau novit no doid Hamin Pongusapan Duchess of Kent Sandakan om kakaal pokiusapan potihombus sabap nakakandai kinosinduahan id boogizan takod, hizou om tuhu,” ka disido.
Kes dino nokomoi soizukon tumanud Seksyen 41 (1) Akta Padsakazan Lahan 1987.
Namot dino, Balai Bomba om Mongumohig (BBP) Sandakan nokotimo pamahaavan kokomoi do kinantakan dino id jam 4.20 minsusuvab.
Huguan Koupisan Bomba om Mongmohig Malaysia (JBPM) Zon Sandakan Anddre Andrew minoboos do iso injin bomba om padsakazan MERS mantad BBP Sandakan sinuu suminikap minugad doid tampat kinantakan kisinodu 9 kilometer binuu’an di PBK II Arshad Kadir songovian onom puu.
“Padsakazan dino nakalanggal hamin aiso tuhun poingizon om natadon do nantakan kinotutudan, ih minomunso nogi hamin dino ih notutudan 90 piatus,” ka disido.
Minoboos Anddre do kivaa duvo tuhun munggui idsuvang kulita, songuhun kusai nakaanu minanampasi tinan om songuhun munggui tondu nokito do nou’u.
Minoboos isido do kinotutudan nakaanu minanamong om tapui nopisok poimponu id jam 5.04 minsusuvab.