Ponuu’an kumadada pinotihombus gisom 18 Feb: Ramli
KOTA KINABALU: Ponuu’an id boogizan kavaigan tuu uvang poinsuvang Zon Oumohig Kohisapn Sabah (Esszone) ih nopupusan id jam 6 sosodopon diti pinotihombus gisom 18 Februari, ka di Pesuruhjaya Polis Sabah, Datuk Ramli Din.
Minoboos isido miampai kopotihombusan dino, izioho ih poingizon id boogizan dino nokomoi pokionuon kivaa id suvang daamin om au pakavasaon sumuvang do boogizan kavaigan dino piahatan jam 6 sosodopon gisom suvab tadau poompus timpu dino.
Minoboos Ramli do ponuu’an kumadaad dino kopoompit do boogizan kavaigan uvang Tawau, Semporna, Kunak, Lahad Datu, Kinabatangan, Sandakan om Beluran.
“Ponuu’an kumadaad dino pinotihombus montok papatantu do boogizan kavaigan dino nokomoi au osuvang di tinimungan talaat ih mongundoonok koumohigan mononoizuk sompomogunan ih papanau do ponoizukan om tutumombuhui songkosuvazan ih tumombuhui pulou ngavi podtuongisan,” ka disido id koiphaan doiti koniab.
Ka disido ponuu’an kumadada dino nokomoi nogi nopo nga montok mamajamin komohigan om kohumaagan layat pogun diti ih kivaa id boogizan tinda ngavi Esszone.
Minobos Ramli do tumanud do kopoihaan, tinimungan militang Abu Sayyaf om izioho ih papanau kapaagatan manazang montok kapaganu do usin pokihapusan mantad kaabatan Filipina kakaal kuminam sumuvang miampai aiso kasagaan montok monoodo panazangan om koimaan talaat maza pivohitan.
Ka disido ponuu’an kumadaad dino nogi montok papasanang do kopogiotonkuasa om pongintongan kokomoi kapapanaan bot om kopongimbuhai do tivou oumohig om otumbozo doid mongindapu chalet om monginsada miampai koikotan kapal puu koumohigan id pozoihi boogizan dosido.
“Manaak zou nogi kuasa doid saavi-avi huguan pulis uvang id Esszone montok paaphabus do poompit doid mangapalai di otoimo montok tuduvan kapaagatan ponginsadaan toi kivaa kogunoon koposonsog montok maza boogizan ponuu’an kumuung,” ka disido. -Bernama