Onom momuruan Labuan nokotorimo pomungaranan ‘Datuk’
MONUNURAT Pulitik doid Montiri TanaPisompuruan Datuk Mohd Rafi Alli Hassan nopo nga paialatan onom mumuruan kinoiyonon mantad
Tana Pisompuruan Labuan ih nokotorimo tingot kogoyoon, bintang om tingot Tadau Tana Pisompuruan 2018.
Yang di-Pertuan Agong Sultan Muhammad V nokotindapou pinotimpuun do kaadaton kapanahak tingot kogoyoon id Moligai Pogun ontok tadau Kaapat.
Mohd Rafi ih nogi Boyoon Komulakan Barisan Nasional (BN) Labuan nokotorimo tingot Panglima Mahkota Wilayah (PMW) ih kopogowit gelaran ‘Datuk’. Nokotorimo nogi PMW nga Ponorikohon Atatap Umno Bogian Labuan Haji Abdul Rahman Lamudin.
Apat kagu ponorimo gelaran ‘Datuk’ nga Boyoon Upisor Eksekutif Kotinanan Labuan Azhar Ahmad, Boyoon Upisor Eksekutif Asian Supply Base (ASB) Datuk Harris Haji Anuar Tan, Boyoon Upko Bogian Labuan Datuk Ronald James Majaing om puru poniagaan Datuk Dr Mohd Shaik Dawood Mohidden.
Namot dilo, Kumoduo Boyoon Eksekutif Kotinanan Labuan Haji Rithuan Ismail om Ponorikohon Tinan Lalansanon Mogigion (MPP) Sub Zon 1 Tan Soon Kiat nokotorimo ‘Johan Mangku Wilayah (JMN).
Onom kagu tulun suai nokotorimo Kesatria Mangku Wilayah (KMW) ilo nopo nga ih Monunurat Umno Bogian Labuan Sudin Samat, Ponorikohon Tinan Lalansanon Mogigion Subzon 7 Sukimin Wakiman, puru poniagaan Sri Ram a/l Tai Di Thali, ahli Parti Gerakan Lee Kiat Khian, puru PBS Labuan Sheiron Chang om pakakaraja Kotinanan Labuan Norina @ Morin Ignatius.
Onom kagu tulun nokotorimo tingot ‘Ahli Mangku Wilayah’ (AMW) nopo nga Upisor Poimbida Montiri Watas Pisompuruan (Labuan) Roslee Haji Omar, Molohingon Kampung Batu Arang Haji Mazlan Haji Mohd Din, Boyoon Raan Umno Pohon Batu Haryadi Omar, Boyoon Koonduan Parti Gerakan Labuan Angela Liaw Boon Geok om duwo kagu puru PBS, Rita Mojuyon om Gumai Bahadar Singh.
Turu pakakaraja Kotinanan Labuan tinangadan ‘Pingat Pangkuan Wilayah’ (PPW) iyolo nopo nga ih Amat Manidin, Ibrahim Taha, Jamain Takijuh, Mohd Zulkifli, Kasim Hassan, Matzanah Subuh, Saidil Ahmad om Nur Adlina Goh.
Nokotindapou nogi id kaadat-adaton dilo nga ih Luguan Montiri Datuk Seri Najib Razak om Kumoduo Luguan Montiri Datuk Seri Dr Ahmad Zahid Hamidi om Montiri Watas Pisompuruan Datuk Seri Tengku Adnan Tengku Mansor.
Nakaamung nogi ih Puru Parlimen Labuan Datuk Rozman Isli om Ahli Dewan Negara Senator Datuk Bashir Alias.