Papapanau motosikal noduso, tuminapi nosinduahan
LAHAD DATU: Songuhun papapanau motosikal noduso om tuminapi dau nakakandai nosinduahan kozo kahapas motosikal kavo Honda ih sinakazon nokoompit id kohigaganan talun alun id boogizan Lahan Singgahmata, doiti di minsusuvab koniab.
Id kinantakan kiikila jam 12.30 kosuvabon dino, munggui nointutunan sabaagi Mohammad Heiryzal Abdul Mutholib, 19, minidu pogun id Hamin Pongusapan Lahad Datu kahapas nakakandai noindamaan nosinduahan id boogizan tuhu.
Om tuminapi dau kiumul 15 toun ih nosinduahan kozo nogi pinosikap pinaatod doid hamin pongusapan isi’o montok pokiusapan potihombus.
Huguan Pulis Uvang Lahad Datu ACP Hamzah Ahmad minoboos, ontok kinantakan doduvo-duvo munggui pinoboos masaon id pindahanan mantad sumbu tanda Bypass pougadan doid Kakadazan Lahad Datu.
Ingkuo po nga songia nopo nokoikot id tampat kinantakan, ontok minaza lahan okiong mindahu nuhu, motosikal ih pinapanau Mohammad Heiryzal kikotumbazaan natagakan kapadtamangan om katangkid doid sasaanan lahan ponong gibang poguhui nakalanggal iso toigi lotilik id boogizan dino.
“Asil mantad kinantakan dino, goduvo-duvo munggui ih noindamaan nosinduahan kahapas dino pinaatod doid Hospital Lahad Datu asil tinuhung di tuhun ginumuan ih minaza boogizan dino,” ka disido.
Ka di Hamzah, kes soizukon tumanud Seksyen 41 (1) Akta Padsakazan Lahan 1987 om ponoizukan potihombus kakaal potihombuson di Upisol Monoizuk Trafik Insp Kemil Rhmat.