Koumoligan Sabah atamangan: Musa
SANDAKAN: Koyuon koumoligan id Sabah doulu noh id bogian Zon Oumolig Kosilahon Sabah (Esszone) atamangan sumusuhut kopogirotankuasa ih papanaon di Bogian Koumoligan Poimbida Disan Daat Kosilahon Sabah (Esscom).
Boyoon Montiri Tan Sri Musa Haji Aman minoboros do koumoligan di togirot potilombuson pogiroton om poingkawason kagu montok papatantu do koumoligan rayat atamangan om kotoonongan om kolumaagan di haro id pogun diti kotilombus tamangan.
“Koumoligan id pogun diti atamangan doulu noh id Esszone sabap kopogirotankuasa ih winonsoi di Esscom. Nga momusorou oku poingkuro popogirot om popoingkawas kagu koumoligan hiti. Ilo mooi
MUSA (tanga) songowian momuruan om susumikul ngawi ih nokotorimo sakadai kantung sikul.
koumoligan rayat toririmo kijominan om atamangan,” ka dau.
Noboros disio ahal dilo ontok minanahak boboroson pinotimpuun do Abaabayan Momuruan Minsomok Rayat id Dewan Kg Pulau Nunuyan Laut, hiti konihab.
Minoboros ih Musa do sabaagi ponorikohon Esscom nopo nga tonggungan disio papatantu do karaja momogompi koumoligan id pogun diti kotilombus kapanau mantad iso timpu doid iso timpu.
“Tumilombus tokou minggisom om kumaraja montok rayat. Kiguno kopio oumolig iyolo, tokou toinsanan oumolig om poimpasi id koyuon otoonong om olumaag,” ka disio.
Mogiboboros isio miampai bogian koumoligan kokomoi poingkuro mintamong koumoligan id Pulau Nunuyan om watas suai, doulu noh id Esszone.
Idsuang ahal dilo, pokionuon di Musa tuh rayat toririmo monokodung momuruan om otumbayaan kumaa porinta montok kowosian timpu tabantalan diolo (rayat) sondiri.
Mantad dilo, ka dau rayat alansan kopio au oimbayatan toiko nakaakan do boros ngawi au otopot mantad tinimungan ngawi di aiso tonggungan.
“Sabaagi rayat, mositi koilo mamagatang nonggo parti ih tosonong om au osonong. Koporintaan Barisan Nasional (BN) haro tanda, toririmo tokou papatantu do kobolingkangan rayat kinongoon om rulanon montok kapasanangan rayat,” ka dau.
Id abaabayan dilo, Musa ih nogi Adun Sibuga pinapatahak nogi kantung sikul kuminaa 241 susumikul, toluod tusin tunui kuminaa 30 tulun nongolohing om tolu tirikohon ruda.
Pogului, minoi isio kakap Longkod Watas Mongundi (PDM) Kg Nunuyan Laut.
Nokotindapou nogi id abaabayan dilo nga ih Puru Parlimen Libaran Datuk Juslie Ajirol, Adun GumGum Datuk Zakaria Mohd Edris, Adun Sekong Datuk Samsudin Yahya, Boyoon Koonduan Umno Libaran Datuk Armani Mahiruddin, PPM Sg Sibuga Datuk Salzo Asa, Boyoon Pulis Watas Sandakan Asisten Komisioner Mohd Azhar Hamin om Boyoon PDM Kg Nunuyan Laut Kapul Dau.