Kusai noduso motosikal nakalanggar lori kargo
RANAU: Songulun kusai noduso kalapas motosikal dau nokopilanggar miampai iso lori kargo kawo Hino id koligaganan id Sunsuyon Tamu Liwagu hiti.
Id kinantakan kiikira jam 2.30 minsusuab konihab dilo, munggui ih nointutunan sabaagi Sofian Ahmin, 22, pinoruput do minidu pogun id tampat kinantakan.
Boyoon Pulis Watas Ranau Deputi Superintendan Mohd Farhan Lee Abdullah minoboros do haro nogi tuminapi miampai munggui ontok kinantakan, ilo nopo nga songulun sumukod tondu.
Tumanud dau, tuminapi dino nokomoi nointutunan sabaagi Welfine Ambaris, 15, notipu kakod wanan om nosindualan id lunggayan longon gibang.
Ka dau, papapanau lori Suhatdi @Saimin Rajimin, 53, miampai mananakadai dau Mohd Ghadafi Mustafah, 26, aiso nunuunu nosindualan.
“Pinonoriukan nokoilo do munggui id pindalanan mantad Kakadaian Ranau pakaayan id Sabindo om lori dilo mantad ponong Sandakan pohibokan doid Kota Kinabalu.
“Soira nokorikot id tampat kinantakan, au nakaanu munggui dino minanamong motosikal dau pogului nakatangkid nokosuang doid ralan pitukaan.
“Asil kinoligaganan dilo, motosikal munggui nakalanggar ponong tigulu id disan ponong wanan lori dilo, ka dau ontok romuto hiti konihab.
Tumanud dau, munggui dilo au naawuk om koligaganan dilo natadon do motosikal dau naraag tomod id pointongkop tinan.
Minoboros isio do asil pinonoriukan nokopokito do koligaganan dino nokomoi kikotumbayaan do natadon mantad kinolowongon munggui di au nakaanu minanamong motosikal dau gisom nokosuang id ralan pitukaan.
Minoboros Mohd Farhan do kes dilo soriukon tumanud Seksyen 41 (1) Akta Padsakaian Ralan (APJ) 1987.