Maritim Malaysia minanaan onom bot susumakai au tuminanud kootulan lisin

KOTA KINABALU: Agensi Popogiotkuasa Maritim Malaysia (Maritim Malaysia) Uvang Maritim Kota Kinabalu minanaan onom bot susumakai sabap kikotumbazaan do au tuminanud kootulan totopot lisin maza kapaagatan poimbida id kavaigan Rampayan, Kota Belud id kosuvabon kosodop.

Potunud Maritim Kota Kinabalu Laksamana Pertama Maritim Adam Aziz minoboos do tohu bot ih tinaan kikotumbazaan do minogovit susumakai nokohobi ginumu di pinatatap om tohu vagu sanda-daau au nakaanu pinopokito do lisin om ngaan ‘juragan’ au miaga miampai ih nokosuat id suang lisin bot.

Koinsanai bot dino ih tinaan id ‘operasi’ mantad 10 gisom 11.30 kosuvabon dino tinanud suminuvang doid Jeti Teluk Usukan montok haang potihombus, ka disido id suang kopoihaan, doiti koniab.

Ka disido, otumbazaan isido do mongindapu bot dino nokomoi kuminam maganu kosivatan mantad koikotan ogumu tutumombuhui ih poinssuti kopinamot kapanandakan Toun vagu Sina miampai minogovit susumakai nokohobi montok kapaganu do kountungan di hobi ogumu.

Haang dioho diti kipanasahan kozo sabap au momoduhi do koumohigan susumakai om au maganu kapangajalan mantad kinantakan talaat bot susumakai poguhui diti, ka disido.

Idsuang ahal dino, minoboos zi Adam do tumihombus o Maritim Malaysia papanau do ‘operasi’ montok papatantu do kohumaagan om kotoonongan daat, hoohobi id posoihi tisan daat kotonobon Sabah. -Bernama

Sipitang, Matlin Dullah, Upisor Kotundaan rayat Sindumin, Abdul Rahman Mohd Noh om Monijor Abaabaayn Irmy Vidiana. Okitonan id gambar gibang, Sapawi winoyo di Irmy (wanan) kuminakap garai ngawi dagang id Esplanade Sipitang. Gambar wanan, Sapawi...

‘JOM JELAJAH KITANI’...Puru Parlimen Sipitang Datuk Sapawi Ahmad pinotimpuun do lobi 80 garai padagang rasuk om taakanan id Abaabayan ‘Jom Jelajah Kitani’ id Esplanade Sipitang id tadau Koonom nakatalib. Kinaramaian abaabayan dilo pinaramai miampai...

Iso mantad bot susumakai ii nataan id ‘operasi’ poimbida Maritim Malaysia.