APM Sandakan mongukab pamaganuan puru wagu

SANDAKAN: Tinimungan Gugumaga Tulun Ginumuan Malaysia (APM) watas Sandakan, Kinabatangan, Telupid om Beluran papaharo do Kimpin Pamaganuan Puru Tinimungan Gugumaga Tulun Ginumuan (ASPA) montok toun 2018.

Upisor Gugumaga Tulun Ginumuan Watas Sandakan Kapt (PA) Ahmad Roslan Mohd Kamel minoboros do tulun togumu di orohian om kopomogonop kooturan di pinatatap pokionuon mangapalai momoguno do foom aplikisin maya laman web: www.civildefence.gov.my.

Ka dau, obuli nogi tulun togumu kapaganu foom aplikisin id Upis APM Watas Sandakan id Tingkat 7 Wisma Persekutuan Sandakan (089-667826), Upis APM Watas Kinabatangan (089551231) toiko Upis APM Watas Telupid (089-521161).

Tumanud dau, limo kooturan pamaganuan montok puru wagu APM nga mangapalai mositi do tulun mamaamasok Malaysia, kiumur pialatan 18 gisom 45 toun, olidas tinan om aiso kinakakungan tinan.

Suai ko ilo, mangapalai minog do obuli mambasa om monulis id Boros Malayu, om nokopinsin susumangod om pulis nogi torimoon montok mangapalai.

Pinatarang di Ahmad Roslan do calon ih nopili koponorimo doti do piipiro kounalan di posodiaon kaamung noh baraian pongubatan au nogonop id lamin pongusapan porinta, elaun kumaraja, pakaian uniform aiso kabarai om tumanud pingludaan om kursus kitimpu mantad timpu doid iso timpu.

“Tulun ginumuan doulu noh iyolo ih orohian nopo nga pokionuon mangapalai umampai tinimungan APM montok manahak kotorinaan kumaa tulun ngawi ontok kaagaban toiko antakan taraat,” ka disio.