Kusai binadi id sikul puru ‘Geng 08’
SHAH ALAM: Kusai ih noduso binadi id tundoongon bas mitoguvang Sikul Kabansaan (SK) Sri Serdang, dos doiti di tadau Kaapat nakatahib, nopo nga puu tinimungan ‘kongsi gelap Geng 08’.
Huguan Pulis Selangor Datuk Pahlawan Mazlan Mansor minoboos do pinonoizukan timpuuni nogi ponokotanda do kinantakan dino kivaa koompitan miampai kapaagatan kapatazadan dadah posihi Serdang, kopoompit do puu tinimungan dino.
“Asil pinonoizukan ponokotanda do munggui om nogi ‘suspek’ ih minamadi dau, nopo nga puu tinimungan kongsi otuvong dino id nombo izioho diti kikotumbazaan do nokoompit id suang ‘sindiket’ kapatazadan.
“Ingkuo po nga kakaal osikap po montok papatantu do ‘motif’ kinantakan totopot ke sditi... soizukon tokou mantad mogisusuvai ahal om tuduvan tototopot oihaan tokou kahapas kapamagakaman otoodo,” ka disido doid monunuat abal koniab.
Noboos disido ahal dino kahapas minoi intong pinghudaan pomiukutan pomihian tagazo ginumuan montok tumoguvang do Pomihian tagazo Ginumuan ko-14 (PRU14) id doumbangan hinominon Kuut Takavas Shah Alam doiti.
Nokotindapou nogi ih Kumoduvo Huguan Pulis Selangor Datuk Ab Rashid Ab Wahab om Huguan Koupisan Ponoizukan Jinayah Selangor SAC Fadzil Ahmat.
Id kinantakan kiikila jam 5.45 sosodopon dino, songuhun mantad duvo kusai kimotor pinoboos do pinopoobus do piipio kinopoobusan pinamadian id boogizan munggui kiumul 40-an ih masaon magandad tanak dau muhi mantad sikul, natadon munggui noduso id tampat kinantakan.Bernama