Paha tantadan kapanaak sinonong kolidasan do tinan
Di HENRY BATING TANTADAN toi ko tadtalan nopo nga iso ontodon do paha di osonong kopio montok do kolidasan tinan.
Tantadan id boros Malayu nopo nga roitan do ‘Kelulut’. Tantadan id ponoriukan saintifik nopo nga roitan do meliponi.
Tantadan nopo nga iso kawo tongosongongi di au moningot. Songongi momiluang id watang do kayu nopo dilo nga momupaha miagal nogi do potiukan.
Tantadan nopo nga ogumu kopio kawo dau. Poingkuro po nga, kawo di oubasan tokito id koiyonon tokou nopo nga ih tongosisilou. Ponoriukan saintifik pinopointalang do kiwaa pikiikiro do 500 kawo do tantadan.
Tantadan nopo nga kiwaa id pototongkop do pomogunan. Wookon kawo nopo nga roitan do Geniotrigona thoracica, Heterotrigona itama, Lepidotrigona terminata, Tetragonula laeviceps om Tetrigona apicalis.
Kiwaa oh tantadan id kogumuan do koiyonon tropika miagal id Asia Tenggara, Australia, Afrika om koiyonon tropika do Amerika.
Ponoriukan saintifik pinopointalang do paha tantadan nopo nga kopogowit sinonong kolidasan montok do tinan. Paha do tantadan suhul ko osonong nung piagalon do paha potiukan.
Tantadan nopo nga popoiyon do paha id suang kubong tokoro ih roitan do propolis. Paha tantadan nopo nga au opurak miagal di opiboros-boros do tulun.
Kopurimanan do paha tantadan nopo nga poingonsom-onsom nung piagalon do paha potiukan.
Tantadan nopo nga imburuon kapasakagan kolomokon do sumusuni id kotolunan kapaampai do kouwaan, bunga, kinotuan om nogi tanom ngawi do suai. - Wikipedia