105 pain raha notimung ontok Tadau Pulis id Beaufort
BEAUFORT: Kiginumu 105 pain raha nakaanu minonimung kopinamot Tadau Pulis ko-211 nayatan Watas Beaufort ih pinaharo id natad Longkod Upis Pulis Watas Beaufort, hiti di kosuabon konihab.
Abaabayan monoluod raha dilo nopo nga iso mantad pinonuangan abaabayan kopinamot pangaramitan dilo om nogi piipiro abaabayan suai pialatan dilo nopo nga pokitonan mantad agensi tulun ginumuan om misosondiri om pialaan mongowotik montok tangaanak.
Nakaampai nogi minonulung om minonoluod id abaabayan kimpin monoluod raha dilo nga Unit Patologi om Transfusi Raha Lamin Pongusapan Beaufort, Hospital Kuala Penyu om Koisaan NGO Beaufort. Tulun ngawi ih minanahak nogi toluod okitonan barangan kogunoon dapur kumaa mononoluod raha nga ih Wong Lay Ying, Wu Shi Chu, Ng Yu Lin, C.C Yap KL, Chin Jun Ping, Liew Xu
ONU ABAR?...DSP Azmir Abd Razak minaganu kosiwatan minoi intong mononoluod ngawi raha miampai pinapatahak wawa pinsoputan tiket kinasib kuminaa mononoluod ngawi.
Jun, Wong Siau Yin, Liew Li Xian, Liew Li Jin, Liew Li Ling om Chin Zhi Xuan.
Hospital Beaufort momoguno do kokorui raha ih koula om montok ih kiginawo monoluod raha obuli rumikot sumindikot id Unit Tabung Raha Hospital Beaufort ih papanau kotorinaan mantad tadau Koiso gisom tadau Kolimo, mantad jam 8.00 kosuabon gisom jam 5.00 sosodopon.
Nunu noopo ponguhotan obuli rumomut Upisor Tabung Raha, Hamdan Tahir id numbur 087 212 333.-Unit Piturubungan Tulun Ginumuan-Hospital Beaufort.