APMM minanan apat kru, minamaga’au duvo bot
KOTA KINABALU: Agensi popogiotkuasa Maritim Malaysia (APMM) minanaan duvo bot songovian apat kru tuhun songkosuvazan kahapas kikotumbazaan nokoompit kapaagatan bom sada.
Potunud Maritim Uvang Kota Kinabalu Laksamana Pertama Maritim Adam Aziz minoboos do goduvo-duvo bot tinaan kiikila jam 11.20 gisom 11.50 dongotuvong tadau Kaapat.
Ka disido, noihaan kinantakan dino songian sontimungan puu APMM pinapanau do pimpanaan ‘Op Khas’ minomoguno do Kapal Maritim (KM) Berani nokokito duvo bot id koozuvon moosi-osi id boogizan kavaigan Pulau Mengalum.
“Ontok mininsomok bot ‘suspek’ kumininam montok mogidu om kru bot pinapataam bakaang kivotik opuak id daat ingkuo po nga haang tosikap puu tokou nakaanu pinapakakung haang dino
Piahatan asil kinagakaman ih nokito id suang bot ‘suspek’.
nokomoi,” ka disido.
Tumanud disido, asil pinomolisaan nokoiho do apat kru bot ih kiumul 30 gisom 50 toun dino au nakaanu pinopokito do nuununu suat kointutunan tinan.
“Ponoizukan potihombus id suvang goduvo-duvo bot nogi nokokito do bakaang kivotik opuak ih kikotumbazaan do kavanit kavo ‘cynide’ om bakaang ih pinataam id suang daat nopo nga bakaang pongobusan montok bom sada.
“Koinsanai kru om bot tinaan om novit doid Jeti Pulau Mengalum montok ponoisukan potihombus tumanud Akta Imigresen 1959/63 om Akta Ponginsadaan 1985,” ka disido.