Iman-imanon rayat osiliu kotopotan

# Ralan Gonipis-Tobobon Rontob 2 kigatang RM40 riong pinoimagon

KIULU: Kinoimpupuson gaab rayat id watas diti nakaanu pinopotopot soira Kumoduo Boyoon Montiri Tan Sri Joseph Pairin Kitingan pinopotimpuun do abaabayan mamabak tana montok Ralan GonipisTobobon, Tuaran, (rontob 2) ih wagu ontok tadau Kolimo, ponokotanda do iso kagu susuian kiguno montok watas tokooro dilo.

Soira opongotiinu, talun alun kigatang RM40.3 riong dilo popiromut do Kampung Talungan om Kampung Poring, ih kawaya piwolitan kisinodu

4.8 Kilometer.

“Iti nopo nga kopongoputan projik Gonipis-Tobobon, Tuaran (rontob

1). Ilo momoguno do kos kiginumu RM20.96 riong om konoruo dilo kisinodu 4.1 Kilometer. Ilo nopongo noh ontok toun 2013.

“Miampai pinomoruhangan Gonipis-Tobobon, Tuaran (rontob 2), ih popiromut do Talungan om Poring, otumbayaan oku ilo kapanahak doti mogigion Talungan om Poring kounalan om kapasanangan di au kaanu momoundom,” ka disio ih nogi Montiri Kotundaan Infrastruktur ontok minanahak boboroson id abaabayan dilo.

Minoboros ih Pairin do projik dilo kaampai doti mantad duwo sunsuyon Steel Girder Timber Decking (SGTD), ih sompori-pori kopoompit kisinodu 86 meter om 47 meter.

Ralan dilo papasanang doti do tulun togumu papaharo do pindalanan mantad Kg Talungan pakaayan id Kg Poring sabap timpu pindalanan koingkudi mantad apat jam kumaa 15 minit noopo.

“Miampai boros suai, ilo osiliu doti ralan ‘alternatif’ ih popiromut do Tuaran pakaayan id Penampang om Tambunan, misuai miampai ralan insan timpu ih kawaya longkod kakadaian Kota Kinabalu,” ka disio mikuo minanamba do pamansaian maan potimpuuno ontok 16 April toun diti om opongodoti ontok 15 April 2020.

Minoboros nogi isio do ralan dilo kopoingkawas doti do pomorunan balajaran id Kiulu sabap do ilo paapsanang doti do susumikul mongoi sikul. Baino kiharo tolu sikulan id bogian dilo, ilo nopo nga SK Poring, SK Tudan om SK Sungoi.

Monongkotoluod ih Pairin kumaa Komontirian Talun Alun, Koupisan Talun Alun (JKR) om lansanon rayat Kiulu Datuk Joniston Bangkuai sabap karaja diolo montok pinapatantu do kinalantaian projik dilo.

Pogului, Joniston id boboroson disio mokianu rayat Kiulu montok mambarai kawagu kumaa Koporintaan Barisan Nasional (BN) miampai manahak sokodung poimponu diolo ontok Pomilian tagayo Ko-14 (PRU14).

“Projik diti kopogowit rati di tagayo. Mantad dilo, tokou mositi nogi manahak do sokodung di tagayo kumaa porinta,” ka disio mikuo minanamba, BN nopo nga toiso-iso parti ih ototopot obuli mongoi tosodu.

Minoboros isio do palan tagayo Kiulu baino idsuang kapamanaan om ilo oilaan doti au oh alaid.

Nokotindapou nogi id abaabayan dilo nga Potunud JKR Sabah Datuk Ir Hj Amrullah Haji Kamal om Boyoon Monunurat KKLW Datuk Borhan Dolah.

UNDUK NGADAU 2018: Kinoolu sombulan lobi pogului orikot timpu Kapanandakan Tadau Kaamatan nayatan pogun toun diti, timpu kopomogihuman mampayat Unduk Nagadau nokotimpuun noh id piipiro watas montok monongkibai id nayatan pogun tiinu. Sabaagi...

Pairin (tanga) winoyo di Joniston (wanan), Amirullah om Borhan minamanau doid tapak pamansaian projik.

Amirullah (tolu mantad gibang) minanahak boboroson kuminaa Pairin (duwo mantad gibang) kokomoi projik dilo mikuo intongan di Amirullah om Joniston (apat mantad gibang).