MINSINGILO BOROS KADAZANDUSUN APASI BOROS, APASI TINARU

PIBARASAN tikid tadau momoguno boros tinaru osonong kopio sabaagi ralan manampasi boros tinaru. Agaras (strong) boros Kadazandusun do gunoon miagal dilo. Poingalib po tosonong nung dolinon kumaa boros sompomogunan (global language), iri no English. Sumusuhut diti iso pinibarasan di Julita om i John di wawaagu. Kopisanangan do mambasa.

Julita: Nung haro tombului rumikot id walai nu om aiso nunu nigitan dau suai ko bangkad om kasut noopo poimpakai dau, nunu apatut poumpayon nu montok dau?

If you would have a guest to your house and he/she does not have brought anything except his/her cloth and shoes, what one important thing that you should provide with him/her?

John: Todopon om takanon.

Bed and meal.

Julita: Au kotunud sisimbar nu.

Your answer is incorrect.

John: Tou nunu di?

So what?

Julita: Soroho no kopio.

Think of it carefully.

John: Bungkusan/tinggat?

Cigarettes/beetle nuts?

Julita: Okon. Tombului nu dino au momungkus toi ko moginggat.

No. Your visitor is not smoking or eating beetle nuts. John: Ah, apagon noh ponguhatan nu dogo. Ba. Tombului dino nopo nga kusai. Ngoyon ku isio pogiumai duo tumpung. Ah, You ask me a difficult question. Okay. That visitor would be a man. I would look for him two mugs of rice wine. Julita: Okon. Okon ko iri.

No. Not that thing.

John: O, pononggilu! Haro ogumu.

O, toilet paper! I have a lot.

Julita: Hehe, okon.

Hehe, no.

John: Ah, poboroson nopo dogo. Au oku kotunud onu ino. Ah, you just tell me. I do not know the thing.

Julita: Ba, onuai ku ika pogiuman: Tinumon, takanon, morombu, Colgate, borus nipon, sabun, kobog (kumut), soripal, tv. Honggo tiso dilo i kosudong kopio posodiaon nu montok dau?

Okay, I give you choice to choose from: drink, food, towel, Colgate, toothbrush, soap, quilt, slippers, tv. Which one is the most suitable item that you should provide for him? John: Aiso dilo narait nu. Losokon nu mantad dogo. There is none of those you mentioned. You are hiding it from me.

Julita: Au. Au ku losokon. Ampalai iso no mantad dilo narait ku.

No. I am not hiding it. Choose only one of those I have mentioned.

John: O, Astro! Pointantu arahi isio mintong di abaabayan migomu.

O, Astro! I am sure he likes to watch the wrestling programme.

Julita: Okon.

No.

John: Goudut ko.

You are a liar.

Julita: Okon. Okon ko goudut oku.

No. I am not a liar.

John: Siou. Nga au oku koilo sisimbar.

Sorry. But I do not know the answer.

Julita: Mantad no doti do asaru ko kooling momorus nipon id kosuabon?

It may be because you always forget to brush your teeth in the morning?

John: Ish! Momorus oku i nipon ku tikid kosuabon.

Ish! I brush my teeth every morning.

Julita: Om paalasan nu di dau ino borus nipon nu?

And you lend him your toothbrush?

John: O, au. Au miagal di. Haro i borus laid ku.

O, no. It would not be like that. I have the old brush. Julita: Araat no kopio miagal di.

That is too bad.

John: Nokuro?

Why?

Julita: Nung ika i tombului, asaga ko manaku momoguno borus nipon tulun suai?

If you were the guest, would you like to use other people’s toothbrush?

John: (Au nokosimbar)

Julita: Na, ino no dika. Apatut poumpayon tokou borus nipon wagu id walai tokou montok tombului rumikot id walai tokou. Nah, there you are. We should get ready new toothbrush at home for visitors coming to our home.

John: Otopot. Kaakun oku dika. Kounsikahan togumu. True. I agree with you. Thanks a lot.

Julita: Kada boroso.

Don’t mention it.