Molohingon Kampung mositi popotumboyo mogigion montok tumilombus monokodung porinta - Salleh

KOTA BELUD: Molohingon Kampung (KK) pokionuon papanau do tonggungan montok popotumboyo do mogigion id bogian sompori-pori montok tumilombus manahak sokodung kumaa koporintaan Barisan Nasional (BN) ontok Pomilian Tagayo ko-14 (PRU14) ontok 9 Mei diti.

Montiri Komunikasi om Multimedia Datuk Seri Dr Salleh Said Keruak ontok minomonsoi do kopokionuon dilo minoboros do montok papatantu agenda kotundaan potilombuson id Sabah doulu noh id Kota Belud, sokodung poimponu rayat kiguno kopio mooi do kopomuruanan koporintaan BN posodia haro kaanu gumaga.

“Mantad dilo pokionuon ku o molohingon ngawi kampung mooi papanau do tonggungan popotumboyo do mogigion id kampung sompori-pori montok papatantu BN kotilombus momuruan porinta, om nogi papatantu do koporintaan kaanu popotopot do iman-imanon poposiliu Malaysia iso pogun di koburu,” ka disio.

Noboros disio ahal dilo ontok minanahak boboroson id abaabayan songowian rayat id Longkod Watas Mongundi (PDM) Pompod, ih notindapou di molohingon ngawi kampung mantad bogian Lamin Koundangan Pogun (DUN) Usukan om DUN Tampasuk. Nokotindapou nogi calon BN montok DUN Usukan Datuk Japlin Akim.

Salleh ih nogi calon BN montok tirikohon Parlimen Kota Belud nogi mokianu pongundi id watas dilo tumilombus mingkakat gumirot monokodung koinsanai calon BN ih tumanding id bogian Parlimen dilo.

“Onu ain oh sokodung mi am a p iau o pi bahagi ... saba p sokodung poimponu dilo papatantu do koinsanai calon B Ni d Parlimen ditikam anang ... m o siti potontuon tokou BN Kota Belud osiliu popion atatap montok BN Sabah.

“Soira tokou (BN) kamanang nodi mogisusuai kotundaan di nowonsoi noh om maan papanao kaanu popotilombus om ilo kaanu doti manahak asil kumaa toinsanan mogigion id Kota Belud,” kawagu disio.

Namot dilo, id abaabayan misusuai id abaabayan mogirurumoh songowian ‘Briged Gempur BN’ id bogian DUN Usukan, alansan kopio ih Salleh do tinimungan Komulakan BN kotilombus mindaama montok mamagayat sokodung tinimungan tomulok id bogian Parlimen dilo.

“Mositi gumura tokou doid koinsanai tiyonon Kota Belud montok papatantu do tanak ngawi tomulok hiti toririmo songowian dotokou (BN). Padamaan komulakan ngawi diti nopo nga kiguno kopio montok timpu tabantalan pogun.

“Padamaan komulakan kiguno montok poposigampot do Transformasi Nasional 2050 (TN50)… nung muhang tokou pogun oumolig mositi tumilombus tokou monokodung koporintaan BN ih solinaid diti popindaama ‘hak’ om kotundunan toinsanan tanak bansa om toririmo papatantu pogun id koyuon aandang om otoonong,” ka disio. -Bernama