BN au monolikud rayat id DUN Kuamut: Bung Moktar
KINABATANGAN: Barisan Nasional (BN) au insan monolikud tonggungan montok poposodia do kotundaan id bogian labus kakadaian doulu noh id Lamin Koundangan Pogun (DUN) Kuamut.
Ponorikohon Popisamo BN Kinabatangan Dato Sri Bung Moktar Radin minoboros do mantad podi limo toun nakatalib ogumu noh kinosimbanan ‘landskap’ kotundaan id DUN Kuamut diti.
“Tokou sondiri kaanu momurimon om kopomoguno kounalan diti. Kampung-kampung di osusa wayaan gulu poh, baino nakaanu noh kounalan kiguo doulu noh talun alun di tosonong.
“Mantad dilo, rayat kada asanang oimbayatan miampai panandasan porosiden Warisan ih pogului diti nokorikot doid Pinangah om paparaat di Luguan Montiri Datuk Seri Najib Tun Razak om Boyoon Montiri Tan Sri Musa Aman miampai mogisusuai ahal kaamung noh ahal kotundaan di au pinoduli,” ka disio.
Isio ih nogi calon BN Parlimen Kinabatangan minoboros do Luguan Montiri om Boyoon Montiri au tamaa kumaa tulun kampung montok poposodia do poruntukan montok kotundaan.
“Mimang otopot onu ih pinoboros di Datuk Masiung, onu ih pokionuon tokou montok rayat, onuan disio. Talun alun id Tongod, Pinangah id kampung-kampung diti nogi pinapanau. Ka Datuk Najib montok dogo nung ‘Bung riongon pataakon ku, boros ku di PM ‘oh...nga bogian ku diti agayo mantad pogun Pahang’. “PM bagi jalan raya yang tuan-tuan pakai ini, akan ada lagi satu jalan raya akan tembus ke Keningau. Ini pun PM, peruntukkan pembinaan jalan raya ini tidak ada dalam bajet tapi saya jumpa PM agar jalan raya di sini diberi keutamaan dan PM luluskan bagi keselesaan dan kemudahan rakyat di kawasan DUN Kuamut,” katanya.
Noboros disio ahal dilo id Abaabayan Pinonimpuunan Mamabak Tana Kompleks Sipoot Tongod om Arena Belia Tongod ih pinotimpuun di Boyoon Montiri Tan Sri Musa Aman id Dewan Poingukab Natad rayat Kakadaian Tongod, id kosuabon konihab.
Nokotindapou nogi ih calon BN DUN Kuamut ih nogi poingigit tirikohon DUN Kuamut Datuk Masiung Banah om momuruan ngawi rayat.
Poingigit tirikohon Parlimen Kinabatangan diti nogi minomisunud hinonggo Tan Sri Musa Aman id suang limo toun diti nokopolulus noh soosomok 10 noribu garan-garan tana id DUN Kuamut ih mimang piandad-andad solilinaid di mogigion kampung.
Minoboros ih Bung Moktar do iti otopt ponokotanda do koporintaan BN id suriba kompomuruanan PM om Boyoon Montiri Tan Sri Musa Aman au monolikud do tonggungan diolo montok moningolig nasib rayat id bogian labus kakadaian.