Pokionuon di Zahid toinsanan parti pikoruhangan BN monulung tambalut kamanang PRU14

SEREMBAN: Pokionuon di Kumoduwo Luguan Montiri Datuk Seri Dr Ahmad Zahid Hamidi o toinsanan puru pikoruhangan parti id suang Barisan Nasional (BN) monulung om papamanang calon BN ontok Pomilian Tagayo Ko-14 (PRU14), 9 Mei diti.

Minagnu suntu tirikohon Parlimen Seremban ih pinokisaap di Boyoon komulakan MCA Kabansaan Datuk Chong Sin Woon, muhang isio toinsanan parti kaamung noh UMNO montok minggisom papamanang dau sabap do BN kikosiwatan tagayo montok mamagahau kawagu tirikohon dilo.

“Id suang sunduan BN, haro calon mantad UMNO, MCA, MIC, Gerakan, Sabah om Sarawak. Id Perak, haro pongundi ku Sina om India nga UMNO ih tumanding nga tambalut idsuang parti tokou ih monulung.

“Mantad dilo, calon UMNO, au obuli pologoson sosondiri om irad nogi miampai calon MCA kada tokou pologoso oiduanan,” ka dau id pason id Abaabayan Songowian Momuruan hiti, konihab.

Nokotindapou nogi ih Montiri Tagayo Negeri Sembilan ih nogi Ponorikohon BN pogun Datuk Seri Mohamad Hasan, Chong om calon-calon Lamin Koundangan Pogun (DUN) Sikamat, Ampangan, Temiang, Nilai, Lobak om Lenggeng.

Ahmad Zahid ih nogi Kumoduwo Ponorikohon BN minoboros do sunduan misokodung togirot ilo noh ih pokidimpotan idsuang parti montok papatantu do pironitan dilo kotilombus koponurat kalantaian.

Namot dilo, muhang isio tirikohon Parlimen Seremban amanang kawagu ontok PRU14.- Bernama