Lobi 3,000 puru Warisan luminabus parti om monokodung Bebas
SANDAKAN: Lobi 3,000 Parti Warisan Sabah (Warisan) mantad 60 raan id batu Sapi hiti pinopoboros do lumabus parti om monokodung calon Bebas montok Lamin Koundangan Pogun (DUN) Sekong DatuFaisal Datu Bachtiyal.
Songulun mantad boyoon raan, Abdul Rahman Hanchus minoboros do minaganu iyolo kapatantuan montok lumabus mantad Warisan kalapas natagak kotumbayanan kumaa pinomilian calon montok watas dilo.
“Boyoon momuruan Warisan minomili calon ih okon popindamaan dagai solinaid diti. Kagu nga calon dilo nogi au mamagatang dagai om aiso sunduan montok monulung rayat. Oruol ginawo dagai om minaganu kapatantuan montok monokodung Faisal.
“Pilion dagai ih Faisal sabap otumboyo yahai obuli isio monulung rayat. Isio nogi songulun ‘bangsata’ (toniiba Bansa tokou montok suku Bajau Suluk). Nointutunan isio sabaagi songulun mongindapu ih nakalantoi id Sekong om ogumu noh minonulung rayat songkoiyonon.
“Otumbayaan yahai miampai padamaan dau om sabaagi tulun mamasok ih guminayo id Batu Sapi, toririmo ih Faisal haro montok monulung dagai,” ka dau kalapas pinapatahak surat ponokodung mantad 60 raan kuminaa Faisal di songkonihab.
Faisal, 43, songulun wuros wagu id suang pomogunan pulitik ih tumanding miampai logo kapal terbang saapon di limo kagu calon montok DUN Sekong.
Calon suai kaamung noh ih Sahar Abd Majid dari PAS, Arifin Asgali (Warisan), Abd Rashid Abd Rahman (Star), Alias Abdul Rahman Benjamin (Parti Kebangsaan Sabah) om poingigit tirikohon dilo Datuk Samsudin Yahya mantad Barisan Nasional.