Staf opis pelajar patut chakah bejalaika pengawa
Nengah ulah ti manah beguna bendar dikena ngangkatka tikas pemansang opis, organisasyen nya
BINTULU: Staf opis pelajar patut ransing ngemansangka diri sereta lurus ati bejalaika pangku pengawa ti dilempaika laban nya beguna endar ngagai pemansang opis nya.
Ketuai Sektor Unit Psikologi dan Kaunseling Opis Pelajar Nengeri Sarawak, Mostaffa Sidik madah, nengah pengawa ngemansangka diri bala staf nya deka mantu bejalaika bemacham aktiviti bekaul ti ngaul opis enggau organisasyen nya.
Iya belalauka pemansang bansa Jipun ti komited enggau kereja, taluk ngagai ketuai sereta datai ba jam ti patut dalam tetiap pengawa ti dilempai sereta ngembuan pengelandik ke tinggi.
“Kemaya hari tu, orang ti beberita ukai semina sida ke mayuh penemu, tang ngembuan ulah ke manah enggau pengelandik sereta ke bukai,” ku iya lebuh bejaku nutup Program Nempa Tim Opis Pelajar Pelilih (PPD) Tatau berambaika jaku `Cemerlang
Kemaya hari tu, orang ti beberita ukai semina sida ke mayuh penemu, tang ngembuan ulah ke manah enggau pengelandik sereta ke bukai. Mostaffa Sidik Ketuai Sektor Unit Psikologi dan Kaunseling Opis Pelajar Nengeri Sarawak
Itu Prestasiku’ ba Villa Mardiah kemari.
Nya alai iya meransang bala pesereta kus mantu opis sida empu terus mansang ke mua.
Ku iya nerang, program ti disereta pesereta nya seriris enggau Pelin Besai Pemansang Pelajar (PIPP) sereta tuju enggau juluk Opis Menteri Pelajar dikena ngangkatka pemanah tikas pelajar, mensia tepelajar enggau menua lantang.
Berebak enggau nya Pemesai PPD Tatau, Mohadi Mubin madah, 53 pesereta datai ari staf PPD Tatau, bala pengajar enggau staf pemantu ari 15 buah sekula primari enggau sekula sekondari pelilih Tatau ke nyadi iya ke dua diatur taun tu sereta keterubah udah diatur dalam taun 2014 ba Taman Negara Similajau.
“Pemerat enggau ngiri pengelandik nengah program tu beguna endar dikena ngangkatka tikas pemanah kereja bala pesereta baka bebasaka ketuai ti nyadi sebagi ari pemujur dijapai sekeda opis,” ku iya.
Iya ngarapka penyapai pelajar ngaul akademik enggau kokurikulum di Pelilih Tatau deka nyulut agi dudi hari.
Sekeda aktiviti diatur rambau program tu iya nya pengawa nirika langkau, `ice breaking’, aktiviti nempa penegap tim, pemakai kampung, pengeregas, main asal, nyerenih ulah diri sereta pejalai enggau pengawa pen- gasih ba rumah orang tuai, indai tunggal enggau ruang bilik seranta ti dipilih ba Kampung Jepak.
Semua pesereta diberi poin ari fasilitator ari Kansilor PPD Bintulu Hamidah Mahmud, Kausilor PPD Selangau Josue Ting Sia Hing, Kaunsilor SMK Tatau Dewianna Igoh enggau Evelyn Eba Nompang ba tetiap aktiviti ke disereta.
Sama bisi datai Chairman Kaunsil Kepala Pengajar Pelilih Tatau Tony Madup, Pengatur program ke nyadi Kaunsilor PPD Tatau Bawang Unding, Kem komandan kus Janudin Ab Rahman enggau Prinsipal SMK Tatau, Peter Usin Lenjau.