PRK Pujut: Chalun dilempai ba Chairman BN
Rintai nama udah bisi, semina nganti chairman BN Nengeri milih sapa ke patut nyadi chalun ngarika BN
MIRI: Semua rintai nama chalun udah bisi semina nganti chairman Barisan Nasional Nengeri, Datuk Amar Abang Johari Tun Openg ngaga pemutus sapa chalun ke patut bediri minta pilih ungkup Pengawa Bepilih Mit (PRK) ba sitak Pujut.
Sekretari Besai BN, Dato Sri Dr Stephen Rundi anak Utom madah munyi nya lebuh ditanya sentang pemuang sitak Pujut ti udah matak perati dalam politik enggau mensia mayuh bekaul enggau pengawa bepilih mit nya.
“Semua utai tau nyadi magang,” ku iya nyaut lebuh ditanya pasal pematut chalun terus BN laban ba pengawa bepilih nengeri ke sebedau tu penuduk diining SUPP enggau UPP.
Semua orang fokus ngagai chalun ke dipilih BN dikena napi pngawa bepilih mit tu berindik ari pemutus Dewan Kunsil Nengeri ningkilka Dr Ting Tiong Choon nyadi Pujut Kaban Kunsil Nengeri, pengudah 70 dibanding enggau 10 ke nyukung iya salah ngelanggar konstitusyen nengeri.
Presiden UPP ke mega Menteri Dagang Antarabansa enggau E- Dagang, Dato Sri Wong Soon Koh udah bejuraika mosyen nya kena12 Maei lalu undi nya udah ngujungka Dr Ting ditingkil nyadi ADUN Pujut, ke bisi nerima bantah dipadahka penyakal besiping sereta enda demokrasi.
Tiket BN ungkup sitak nya lalu diperebut SUPP enggau UPP.
SUPP madahka diri bisi pematut minta sitak nya, laban semina parti komponen BN aja patut dike- mendar bediri minta pilih ba penuduk asal parti nya, tang United People Party ( UPP) madahka nya mih peluang ke pemadu manah dikena ngambi pulai penuduk ke mega kubu kuat penyakal.
Andy Chia Chu Fatt mang ba penuduk nya ngarika SUPP dalam taun 2006, tang udah nya alah ba jari Fong Pau Teck- DAP ba pengawa bepilih dalam taun 2011.
Berebak enggau nya, Dr Rundi madah chalun nya deka diputuska ketuai besai BN, raban pengawa bepilih udah sedia napi penyakal ba PRK nya.
“Sekalika SUPP tauka UPP, kami ngelempaika nya ba chairman BN ngambika ngaga pemutus sapa ke patut nyadi chalun BN, “ku iya.
Lebuh ditanya,sekeretari besai BN nya nadai madahka pematut sekali agi chalun terus BN deka disiping ari sukut politik.
“Mayuh pekara ke patut diatu, semua utai patut magang tang ke pemadu beguna kitai menang ba penuduk nya,” ku iya.
Datuk Hii King Chiong ningkilka diri ari UPP ngambika ulih bediri minta pilih di Pujut dalam proses sebelas jam, nengah sukung BN nengeri ti betuaika niang Datuk Patinggi Adenan Satem.
Asil penyakah raban pengawa bepilih BN, Dr Ting mujur ngenanka penuduk nya ke DAP pengudah teu- lihka 8,899 iti ulig ti diperebut negah empat penyuru ngalahka Hii ngarika BN, Jofri Jaraiee ngarika PAS enggau Chalun Ngatika Diri Fong Pau Teck, ke alai iya ba pengawa bepilih ke sebedau nya bediri ngena tiket DAP tang dibuai ari parti nya.
Dr Ting menang ba sitak nya udah bekau teulihka 1,759 majoriti undi.
Jofri seduai Fong sama bisi mandangka pengingin diri enggau ba pengawa bepilih mit sekali tu taja pan udah pirun ba pengawa bepilih ke sebedau tu.
Komi ti Pengawa Bepilih udah betapka 20 Jun enggau 4 Julai maya ngantung n ama chalun enggau pengawa bepilih dipejalaika.
Sekalika SUPP tauka UPP, kami ngelempaika nya ba chairman BN ngambika ngaga pemutus sapa ke patut nyadi chalun BN. Dato Sri Dr Stephen Rundi anak Utom Sekretari Besai Barisan Nasional (BN)