Orang baru diengkah ba sitak Parlimen Betong maya PRU14
KUCHING: Barisan Nasional (BN) Nengeri deka ngengkah orang baru nyadi chalun di Parlimen Betong ba Pengawa Bepilih Besai Ke-14 (PRU14).
Kepala Menteri ke mega Chairman BN Nengeri Datuk Amar Abang Johari Tun Openg madahka Datuk Amar Douglas Uggah Embas to mega Sapit Ketpala Menteri madahka diri nadai ati deka bediri minta pilih ba kerusi nya.
“Kitai endang deka ngengkah chalun baru ba sitak nya laban iya beliau (Uggah) endang bisi ati deka ngemuangka kerusi Parlimen.
“Iya dipinta gawa di nengeri tu lalu nya nya mih pemereti ati entara kami,” ku iya lebuh dikerandau pengarang beritapengudah bejadi ‘Agihan Sumbangan Majlis Islam Sarawak (MAIS)’ ngagai Masjid enggau Surau Bag Menua Kuching di Dewan Hikmah ditu,kemari.
Bekaul enggau kerusi Parlimen Saratok diatu ke ari baruh pegai Tan Sri William Mawan Ikom, Abang Johari enggau nyebut dulu pasal nya tang nganti datai ba maya ke patut.
“Nya bedauagi...kita nganti dulu,” ku iya.
Ngambi ari berita ti dipansutka ba Borneo Post sebedau tu, Uggah ke mega Menteri Betanam Betupi Moden, Tanah Adat enggau Pemansangun Pelilih Menua ngenukuka diri enda betanding ba PRU Ke-14.
Ku Uggah,batang kebuah iya enda enggau minta pilih laban bepelasarka pemereti ati di Sarawak ti nadai siku pan ke nyadi Kaban parlimen enggau Kaban Kunsil Nengeri (ADUN).
Iya dipilih nyadi chalun PBB unkup Betong maya pen gawa bepilih besai dalam taun 1986, ke alai iya udah menang lalu nyadi Kaban Parlimen ngarika sitak nya nyentuk ke diatu.
Iya mega dichiri nyadi menteri penuh lalungiring Opis Menteri Pengeraja Asal enggau Rampa Menua pengelama lima taun nyentuk pengawa bepilih besai dalam 2013 sebedau dichiri nyadi Menteri Kebun Bedandang Besai enggau Komoditi udah bekau menang besai sereta teulihka 15,476 iti undi.
Dalam taun 2016,exSapit Kepala Menteri Datuk Patinggi Tan Sri Alfred Jabu madahka diri ngetu lalu Uggah udah dipinta pulai ke Sarawak nyilih penuduk Jabu.
Iya bediri minta pilih nyadi chalun PBB ba kerusi DUN Bukit Saban maya pengawa bepilih Kunsil nengeri sereta udah menang.