Nama chalun DAP dibantai pengudah nemu pemutus kort
Haribulan ngakim kes saman dikenataika Dr Ting udah dikelengkas iya nya diatur sehari tu pukul 9 pagi
MIRI: Parti Tindakan Demokratik ( DAP) agi nganti pemutus Kot Tinggi sehari tu (17 Jun) sebedau madahka nama chalun bediri minta pilih ungkup Pengawa Bepilih Mit Kunsil Nengeri (DUN) Pujut.
Chairman DAP Sarawak, Chong Chieng Jen madah, kebuah pia laban haribulan ngakim kes saman dikenataika Dr Ting Tiong Choon bekaul enggau pengawa ngemaduka tanggungpengawa iya nyadi ADUN Pujut udah dikelengkas.
Pemutus nya enti nitih ditemu Hari Satu tu ( 19 Jun) iya nya sehari sebedau hari ngantung nama chalun Pengawa Bepilih Mit (PRK) DUN Pujut.
“Minta ampun laban ngasaka ati semua kita pagi tu ( kemari) laban kami bisi
Minta ampun laban ngasaka ati semua kita pagi tu (kemari) laban kami bisi nerima notis ari komiti undangundang kami 10 minit tu tadi ti madahka pengawa ngakim kes dikelengkas kena pagila (Hari Enam) pukul 9 pagi. Chong Chieng Jen Chairman DAP Sarawak
nerima notis ari komiti undang-undang kami 10 minit tu tadi ti madahka pengawa ngakim kes dikelengkas kena pagila (Hari Enam) pukul 9 pagi.”
Iya nurun kitu kemari laban deka madahka nama chalun parti ke deka bediri minta pilih ba PRK Pujut kena 4 Julai tu.
Kenu ku Chong, nyema sida menang kes nya, Dr Ting deka dipilih gawa baru nyadi pengari rayat DAP ba Pujut.
“Tu dikena meri basa ngagai proses kot, kami ngelanjarka hari endur madahka nama chalun pagi tu (kemari) nyentuk pemutus kes tu ditemu,” ku iya nerang nyemetak.
Dr Ting diketuka tanggungpengawa nyadi ADUN laban bisi ngembuan status dua peranak menua iya nya Malaysia enggau Australia.