Kimpin ngelaban kes beduan dipejalai ba sekula lepas Raya
GEORGE TOWN: Opis Menteri Pemansang Orang Indu, Ruang Bilik enggau Raban Bansa deka ngatur roadshow enggau kimpin ngelaban kes beduan ba sekula, pengudah abis Hari Raya Aidilfitri tu.
Menteri iya Datuk Seri Rohani Abdul Karim madah, piak sida deka ngemasukka kimpin ngelaban kes beduan tu enggau kimpin meri penemu pasal Akta Kanak-kanak (Pindaan) 2016 enggau penyalah seksual.
“Kitai mega deka nentula semua atur pengawa dipejalai laban kitai deka meda kes beduan tu diketu. Ba aku ‘penalti’ (ukum) ke pemadu patut iya nya ukum ke pemadu berat. Tu dikena nagang, ukai rindu ngukum.
“Aku berati dalam timpuh sebulan dua tu (kes beduan) majak nyadi.
“Saya nampak dalam masa sebulan dua ni (gejala buli) berleluasa pula. Kati kita deka meda menua kitai jai rita ketegal mayuh kes beduan... kitai tu sebengkah menua ke maju, bisi undang-undang,” ku iya madah ngagai pemberita pengudah ngabang niang T. Nhaveen di Krematorium Batu Gantung, ditu kemari.
Nhaveen, 18, ti kena keduan sereta dijamah seraban nembiak tumu pagi Hari Enam ke udah ba Jalai kaki Bukit, nyentuk balat bakal ngujungka iya mati ba ba Sepital Pulau Pinang (HPP) kena pukul 6 lemai ensanus.
Rohani minta mensia mayuh besaup ngelaban kes beduan lebih agi ba raban nembiak sekula.
Iya madah, diri sebilik patut bejalaika tanggungpengawa nempa pengasih, penyayau enggau nemu bebasaka irang bukai dikena nempa raban ke nelap sereta enda kasar.
“Saup kami ba opis menteri laban ujung iya ila semua kitai ngasaika pangka. Anang ngelakka pekara baka tu nyadi ba kitai empu enggau diri sebilik.
Ruang bilik nya udah chukup tusah ati,” ku iya.
Ba insiden kira pukul 2.10 pagi Hari Enam tu tadi, lima iku nembaik beumur entara 16 ngagai 18 taun diripot malu Nhaveen enggau bakih iya T. Previin ngena tupi kelidar.
Previin ti bela bakal benung diperubat ba HPP taja pia iya mujur ngelarika diri maya benung diirit ngagai padang ke besemak.
Nhaveen balat bakal ba tubuh sereta bisi bekau ditunu ba bahu.
Berindik ari insiden nya, polis nangkap lima iku nembiak nyengkaum dua nembiak pom empat enggau lima ngambi mantu mansik kes nitihka Seksyen 302 Kanun Keseksaan. — Bernama